"Малчны хотонд ажиллаж байгаа 318 резидент эмчийн зардалд 325 сая төгрөг зарцуулна"

УОК-ын Шуурхай штабаас өдөр бүр мэдээлэл хийдэг билээ. Өнөөдөр /2024.03.01/ хийсэн ээлжит мэдээллийн үеэр ЭМЯ-ны Эмнэлгийн тусламж үйлчилгээний газрын дарга А.Өнөржаргал дараах мэдээллийг өглөө. 

ЭМЯ-ны Эмнэлгийн тусламж үйлчилгээний газрын дарга А.Өнөржаргал "Эрүүл мэндийн сайдын энэ оны хоёрдугаар сарын 26-нд тушаал гаргаж, орон нутгийн захиалгаар, улсын төсвийн санхүүжилтээр 2024-2025 оны хичээлийн жилд орон нутгаас ирж суралцаж байгаа 318 резидент эмч нарыг тухайн орон нутгийн эмнэлгийн харьяалалд шилжүүлсэн. Улмаар гуравдугаар сарын 1-нээс дөрөвдүгээр сарын 15-ны өдрүүдэд өвөлжилт, хаваржилт хүндэрсэн аймгуудад ажиллаж эхэлсэн. Тэдэнд үндсэн цалинг нь бүрэн олгож, ирж, очих замын зардал, албан томилолтын мөнгийг олгохоор болсон. Энэ ажилд нийт 325 сая төгрөгийг зарцуулахаар болсон" гэлээ.