Л.Оюунжаргал: Энэ сарын 14-нөөс ихэнх нутгаар дахин цас орж, шуурна

Зудын нөхцөл байдлын талаар УОК-ын нарийн бичгийн дарга, хурандаа Т.Баярхүү, ЦУОШГ-ын дарга Л.Оюунжаргал нар мэдээлэл хийлээ.

Энэ үеэр ЦУОШГ-ын дарга Л.Оюунжаргал "Өнөөдрийн байдлаар нутгийн өмнөд хэсгээр цасан бүрхүүл ханзарч эхэлсэн. Цасан бүрхүүлийн зузаан 9 см-ээр доошилсон. Өнгөрсөн долоо хоногт ихэнх нутгаар дулаарсан, ингэснээр цасан бүрхүүлийн хэмжээ багассан гэсэн үг. Өнөө, маргаашдаа ихэнх нутгаар дулаарна. Энэ сарын 13, 14-ний өдрүүдэд нутгийн зүүн хагаст нэлээд дулаарч, говийн бүс нутгаар  +15 хэм хүртэл дулаарах төлөвтэй байна.

15 градус хүртэл дулаарна.

• Гуравдугаар сарын 14-нд баруун аймгуудын ихэнх нутаг, төвийн аймгуудын нутгийн хойд хэсгээр
• Гуравдугаар сарын 15-нд баруун болон төвийн аймгуудын ихэнх, говийн аймгуудын хойд, зүүн аймгуудын нутгийн баруун хэсгээр
• Гуравдугаар сарын 16-нд төв болон зүүн аймгуудын ихэнх нутаг, говийн аймгуудын нутгийн зарим газраар цас орно. Зүүн аймгуудын нутгаар зөөлөн цасан шуурга шуурна. Энэ үеэр зам даваанд халтиргаа гулгаа үүсэхээр байна. 

 Энэ хугацаанд цасан бүрхүүлийн хэмжээ нэлээд багасна. Энэ сарын 14-ний өдрөөс эхлээд ихэнх нутгаар цас орж,цасан шуурга шуурна" гэлээ.