Маргаашаас бүх автобусанд хүний толгой тоолдог төхөөрөмж суулгана

Өнгөрсөн сард болсон НИТХ-ын ээлжит бус XVII хуралдаанаар Нийслэлийн Засаг дарга бөгөөд Улаанбаатар хотын захирагч Х.Нямбаатар нийтийн тээврийн төлбөр тооцооны системд өөрчлөлт хийхээ мэдэгдсэн. Тодруулбал, энэ сарын 15-наас бүх автобусанд  хүний толгой тоолдог төхөөрөмжийг суулгана. Мөн ахмад настан, хүүхэд, донор гэх мэт үнэгүй зорчдог хүмүүсийн картыг татаасаар мөнгөжүүлнэ гэж мэдэгдсэн. 

Энэ тухай хотын дарга хэлэхэдээ "Өнөөдөр автобусны жолооч нар бүгд бэлэн мөнгөний хайрцагтай. Түүнийгээ дэмбээ гэж нэрлэдэг. Өдөрт хамгийн багадаа 30, 40 мянган төгрөг жолоочийн халаас руу орж байгаа юм. Карт уншуулсан хүмүүсийн тоо, толгой хоёр яг таарах ёстой. Тоо таараагүй бол жолоочид шаардлага тавьж эхэлнэ. Миний хувьд карт аваад зарим чиглэлд сууж үзсэн. Автобусны жолооч нүдэн дээр л мөнгө авч байна. Тэгэхээр энэ асуудлыг шийдвэрлэх шаардлагатай" гэсэн юм.