“Улаанбаатар-Бүсчилсэн хөгжил” форум болж байна.
Энэ үеэр хотын дарга асан Э.Бат-Үүл: Метроны ТЭЗҮ 2013 онд хийгдсэн учраас шинэчлэх шаардлагатай. Юу юугүй метроны нээлттэй тендер зарласныг би огт ойлгоогүй. ТЭЗҮ-г нь шинэчлээгүй байж яаж тендерийг нь зарлаад байгаа юм бэ. Хоёрдугаарт, метроны ажлыг зөвхөн метро тавина гэж ойлгох нь буруу. Эхлээд инженер, техникийн 1500 хүн бэлдэх ёстой. Тендерт ялсан нэг хувийн хэвшил нь метро тавьж өгчихөөд явна гэвэл том эндүүрэл. Метрог барихдаа нэг зүйлийг заавал анхаарах ёстой. Метроны ажлыг бүрэн гүйцэт дуусгах баталгааг заавал нэхэх. Тэгэхгүй бол метроны нүх ухчихаад шантаажлаад луу унжина, нөгөөх хувийн хэвшил нь. Яаруу тендер зарласныг нь би гайхаж байгаа. Сонгуулийн өмнө хам хум тендер зарлаж ПИ-Ар хийгээд байна. Тооцоолол нь маш ойлгомжгүй, эцэстээ ногоон автобусны хэрэг шиг болж хувирах вий" гэлээ.
Сэтгэгдэл (17)