Нойтон цас орж, цаг агаарын аюултай үзэгдэл болохыг сэрэмжлүүлж байна

Цаг уурын байгууллагаас  маргааш төвийн нутгаар аюултай үзэгдлийн хэмжээнд хүрэхийг анхааруулж байна. 

 Цаг уур, орчны шинжилгээний газрын Урьдчилан мэдээлэх хэлтсийн ахлах мэргэжилтэн О.Оюунчимэг "Өнөөдөр өглөөний байдлаар Увсын нутаг, Завханы зүүн хэсгээр цас орж байна. Энэ цас өнөө шөнөдөө Завханы зүүн, Хөвсгөлийн өмнөд, Архангайн баруун болон хойд, Булганы баруун хэсгээр, маргааш өдөр буюу 15-нд Архангай, Булган, Орхон, Сэлэнгэ, Дархан-Уул, Төв аймгийн нутгийн хойд хэсгээр ахиухан хэмжээгээр орно. Ялангуяа маргааш Булган, Сэлэнгэ, Орхон,  Дархан-Уул аймгийн нутгаар ахиухан хэмжээний нойтон цас орж, цаг агаарын аюултай үзэгдэл болохыг сэрэмжлүүлж байна. Цаг уурын байгууллагаас 12 цагийн хугацаанд 5 мм хүртэлх нойтон цас орохыг аюултай үзэгдэлд тооцдог" гэлээ.