СУРВАЛЖИЛГА: Ардчилсан нам нэр цэвэр гишүүдээ дэвшүүлнэ, дэнчин авахгүй

Ц.Цэрэнбадам
2024/03/18

Сонгуулийн Ерөнхий хорооноос баталсан хуваарь ёсоор улс төрийн нам, эвслүүд энэ сарын 25-наас өмнө мөрийн хөтөлбөртөө дүгнэлт гаргуулахаар төрийн аудитын дээд байгууллагад хүргүүлэх учиртай.

Энэ дагуу Ардчилсан нам 2024 оны сонгуулийн мөрийн хөтөлбөртөө иргэд, олон нийтээс санал авах “Бүтэн Ардчилал” бүсчилсэн хөгжлийн бодлогын хэлэлцүүлгийг Монгол Улсын 21 аймаг, есөн дүүрэг улс орон даяар зохион байгуулж байна.

Өнөөдөр хэлэлцүүлэг Сүхбаатар, Чингэлтэй дүүрэгт үргэлжилж, Соёлын төв өргөөнөө Ардчилсан намын 1200 гаруй гишүүд, дэмжигчид, намын удирдах албан тушаалтан, орон тооны бус зөвлөхүүд хүрэлцэн ирж, намын бодлогын цаашдын чиглэл хийгээд мөрийн хөтөлбөр, түүнд тусгах санал санаачилгын талаар хэлэлцлээ.

Хэлэлцүүлгийг Сүхбаатар дүүргийн Засаг дарга Х.Болормаа, Ардчилсан намын Үндэсний зөвлөлдөх хорооны гишүүн Б.Баянмөнх нар нээсэн бол АН-ын дарга Л.Гантөмөр хэлсэн үгэндээ Ардчилсан нам засгийн эрхийг барьж байхдаа Монгол Улсад хийгдээгүй маш олон бүтээн байгуулалтыг хийж чадсан гэдгийг тодотгож байв.

Тэрбээр “Коммунистууд сүүлийн 30 жилийг онилж ярих боллоо. Тэднийхээр сүүлийн 30 жилд хот байгуулагдсан нь, монголчууд 60 сая малтай болсон нь, 100 гаруй мянган залуус гадны улс руу явж суралцсан нь буруу гэнэ. Сүүлийн 30 жилд иргэд сая гаруй машинтай болсныг, 400-500 өрх орон сууцанд орсныг, 250 мянган залуус ипотекийн зээлд хамрагдсаныг үгүйсгэж байна. Ардчиллыг үгүйсгэж байна. Ардчилсан нам Монголд ардчиллыг, үг хэлэх эрх чөлөөг, эд хөрөнгөтэй байх боломжийг авчирсан нь үнэн. Гэтэл болохгүй байгаа зүйлсийг болгохын төлөө зүтгэсэн нэгнийг ялладаг, буруутгадаг, дардаг, хооронд нь хагаралдуулах болсон. 

Орон сууц, зам харгуй, цахилгаантай болох, хүүхдийн мөнгө олгох санаачилгыг бид гаргаж байсан. 2012 онд хамтарсан Засгийн газар байгуулсан хугацаанд ямар азаар бид аймгуудыг засмал замаар холбож, Улаанбаатар хотын түгжрэлийг бууруулахын тулд олон уулзваруудыг хийж, зуслан руу авто зам тавьж, Налайх, нисэх рүү зам тавьсан юм бэ. Э.Бат-Үүл С.Баттулга дарга нарт баяр хүргэх ёстой. Гэтэл нөгөө талд Засаг юу хийв. Жил бүр нэг тэрбум ам.долларын өрийг бидэнд үлдээж байна. Захын нэг ажилтных нь шүүгээнээс долоон тэрбум төгрөг олддог, өгч байгаа ял нь 40 саяын торгууль байна.

МАН найман жил засагласан ч, мөрийн хөтөлбөрийнхөө 90 хувийг биелүүлж чадаагүй. Иргэд төрд итгэхээ больсон. Ардчилсан нам цаашдаа том зорилгын төлөө эвлэлдэн нэгдэж, сахилга бат, хариуцлагатай байж чадвал ялна” гэдгийг онцоллоо.

Сүхбаатар, Чингэлтэй дүүргийн Ардчилсан нам 30 гаруй гишүүнээр бүл нэмлээ

Ардчилсан намын дарга Л.Гантөмөрийг үг хэлсний дараа намын Ерөнхий нарийн бичгийн дарга И.Мөнхжаргал, АН-ын дэд дарга Ч.Өнөрбаяр, АН-ын Хэрэг эрхлэх газрын дарга Н.Лхагвадорж, Сүхбаатар дүүргийн Засаг дарга Х.Болормаа, Нийслэлийн ИТХ-ын АН-ын бүлгийн дарга Б.Эрдэнэсүх, НИТХ-ын төлөөлөгч Д.Бадарсан, НИТХ-ын төлөөлөгч Ц.Баатархүү, УИХ-ын гишүүн асан Г.Баярсайхан, ТЕГ-ын дарга асан Б.Хурц нарын хүмүүс Ардчилсан намд шинээр элсэж буй иргэдэд “Цэнхэр” батлахаа гардуулан өглөө.

Өнөөдөр Сүхбаатар, Чингэлтэй дүүргийн Ардчилсан нам 30 гаруй шинэ гишүүнээр бүл нэмсэн юм. Тэдний дунд дөнгөж 18 хүрсэн залуусаас эхлээд дунд эргэм насныхан ч байлаа.

Тэд Монгол Улсынхаа тусгаар тогтнол, үндэсний язгуур, эрх ашгийн дээдэлж, хүнлэг, ардчилсан нийгмийг бэхжүүлж, залуус нь гадагшаа тэмүүлдэггүй, эх орныхоо ирээдүйд итгэлтэй сайн сайхан нийгмийг цогцлоохын төлөө Ардчилсан намын үзэл баримтлалыг дэмжин нэгдэхээр болсноо илэрхийлж байв. УИХ-ын ирэх сонгуульд Ардчилсан нам ямар мөрийн хөтөлбөртэй оролцох, ард иргэдээ сонсох цуврал хэлэлцүүлгүүдээр иргэд, гишүүд ямар санал санаачилгыг дэвшүүлж байгаа талаар АН-ын дарга Л.Гантөмөр дараах байр суурийг илэрхийллээ.

Л.Гантөмөр: Нэр цэвэр, итгэл хүлээсэн гишүүдээ дэвшүүлнэ, дэнчин авахгүй

Mungkin gambar 2 orang, newsroom dan teks

Л.Гантөмөр дарга “Бид “Бүтэн Ардчилал 2024” үндэсний хэлэлцүүлгээрээ өнөөгийн нийгмийн нөхцөл байдлыг бүтнээр нь дүгнэхийг зорьж байна. Нам дагасан хэсэг хүмүүс нь хожоод, жирийн ард иргэд нь хохироод үлддэг байдлыг засаж залруулахын тулд Ардчилсан намын мөрийн хөтөлбөр эдийн засаг, бизнесийн орчныг цэвэрлэхэд чиглэсэн байна. Гишүүд хэд хэдэн санаа, санаачилгыг дуу нэгтэйгээр хэлж байна. Үүний нэгдүгээрт, бизнесийн орчныг сайжруулахын тулд үргүй зардлыг танаж, төсвийг хумих. Одоогийн Засгийн газар төсвийг хэт тэлсний улмаас бизнесийн орчин жижгэрч байна. Хоёрдугаарт, хариуцлага, сахилга батыг сайжруулах. Гуравдугаарт, боловсролын реформ хийх. Дөрөвдүгээрт, авлига. Авлигыг бүрэн зогсоох хууль эрх зүйн орчныг бий болгох хэрэгтэй байна. Тавдугаарт, Монголын эрчим хүчний асуудлыг шийдээч гэсэн саналуудыг хэлж байна” хэмээлээ.

Харин УИХ-ын сонгуулийн квот болон нэр дэвшигчдээс дэнчин авах эсэх талаарх асуултад “Ардчилсан намын улс төрийн зөвлөлөөс УИХ-ын сонгуульд иргэдийнхээ итгэлийг хүлээсэн, хэрэг түвэгт холбогдоогүй, нэр цэвэр гишүүдээ дэвшүүлэх бодлого барьж байгаа. Жагсаалтын хувьд олон нийтийн төлөөллийг ямар нэг байдлаар оруулж ирнэ. Тавдугаар сарын 14-20-ны хооронд зургаахан хоногийн хугацаанд нэр дэвшигчдийг яаж ард түмнээсээ асуух вэ гэдэгт техникийн шийдлийн асуудал гарч ирж байгаа. Өнөөдөр санал асуувал хууль зөрчинө. Тиймээс тавдугаар сарын 14-нөөс санал асуулга явуулна. Түүнд иргэд идэвхтэй саналаа өгөөрэй. Ардчилсан нам ямар нэг байдлаар нэр дэвшигчээсээ дэнчин авахгүй. Бид бага мөнгөөр амжилтад хүрнэ. Эмэгтэйчүүдийн квотоо 30 хувьдаа барина. Ялж чадах эмэгтэйчүүд байвал 40 хувьд ч хүргэхэд бэлэн” гэсэн юм.  

Ц.Баатархүү: “Бүтэн Ардчилал”-ыг бий болгохын тулд гурван реформ хийнэ

Ардчилсан намын “Бүтэн Ардчилал” хэлэлцүүлгийн үеэр мөрийн хөтөлбөр нь эцсийн дүндээ нэг л зүйлд чиглэхийг тодотгож байсан юм. Тэр нь өр биш өв үлдээх. Ирээдүйд ард түмэндээ өр, зээл үлдээдэг бус хадгаламж, баялгийн сан, өв хөрөнгө үлдээх эдийн засгийн бодлого хэрэгжүүлэхийг чухалчлахаа онцолж байв.

АН-ын ҮБХ-ны гишүүн Ц.Баатархүү “Нийслэлийн хотын дарга асан Э.Бат-Үүл, Баттулга нар дөрөвхөн жилийн хугацаанд Улаанбаатарт 40 жил хийгдээгүй ажлыг хийж байсан. МАН утаатай тэмцэж байсан бол бид угшилтай нь тэмцэж байсан. Ардчилсан нам реформ хийдэг, асуудлыг сууриар нь шийддэг нам. Бид “Амгалан”-гийн дулааны станцыг барьж, дөрөвдүгээр цахилгаан станцад өргөтгөл хийсэн. Асуудлыг сууриар нь шийдэхийн тулд ажиллаж байсан.

“Бүтэн Ардчилал”-ыг бий болгохын тулд гуравхан санал хэлмээр байна. Баялгын реформ хийх шаардлагатай. Байгалийн баялгийг хэдхэн улстөрч сонгуульд зориулж тараадаг байдлыг болих хэрэгтэй. Иргэн бүр байгалийн баялагаа хүртэх зөв, оновчтой системийг бий болгох шаардлагатай. Ардчилсан намын “Баялгын сангийн тухай хуулийг ард түмнээрээ дэмжин батлуулах хэрэгтэй. Зөвхөн сонгуулиар авдаг баялгийн сан байх ёсгүй. Жил, сар бүр иргэн нь хувь хүртдэг байх хэрэгтэй. Хоёрдугаарт, Улаанбаатар хотыг хот шиг хот болгохын тулд ард түмэн даргаа сонгодог байх ёстой. Улаанбаатар хотыг инженерүүд удирдах ёстой. Гуравдугаарт, Газрын реформ хийх хэрэгтэй. Уулын ам бүрт орон сууц босож байна. Хүүхдүүдэд тоглох талбай, хөгшчүүдэд нарлах талбай алга. Богд уулыг тойрсон ам болгонд аялал жуулчлалын зориулалтаар газар олгож, тэнд нь хаус хороолол барьж зарж байна. Газрыг зориулалтаар нь ашиглаж буй эсэхэд хяналт тавих систем хэрэгтэй” гэдгийг хэлэв.

Түүнчлэн, АН-ын ҮБХ-ны гишүүд хэлэлцүүлгүүдэд оролцож буй иргэд, гишүүд, дэмжигчдийн санал, санаачилга бүрийг мөрийн хөтөлбөрөө тусгаж, бодлогын төвшинд хэрэгжүүлэхийн төлөө хичээнэ гэдгээ амлаж байсан юм.  


0
angry
0
care
1
haha
6
liked
0
love
0
sad
0
wow

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2405:5700:310:eb58:ac47:75b0:386d:571b
2024/03/18
0
0
Нэр цэвэр хүмүүс гэнэ үү Ингээд л яриа хийж байгаа ажил нь ялгаатай харагдана Итгэх үү
Хариулах
Шинэ мэдээ
Х.Эрдэнэбаатар: Ардчилагчид маань эвлэлдэн нэгдсэн энэ үед Олон Улсын Ардчилсан Холбооны хурал болж байна 1 цагийн өмнө
Сэрэмжлүүлэг: Хүчтэй цасан болон шороон шуурга шуурна 1 цагийн өмнө
2024 оны I улиралд 1660 хүүхэд гэмт хэргийн улмаас хохирчээ 2 цагийн өмнө
“Талын Монгол” өдөрлөгөөр үхрийн махыг 13500, хонины махыг 11500 төгрөгөөр худалдаална 2 цагийн өмнө
АНУ-руу шууд нислэг үйлдэх хоёр дахь Боинг 787-9 Dreamliner агаарын хөлгөө хүлээн авлаа 2 цагийн өмнө
Г.Амартүвшин: Шударга бус явдалтай эцсээ хүртэл тэмцэнэ 2 цагийн өмнө
Хугацаа дууссан, шошгын зөрчилтэй бэлэн гоймон худалдаалж байжээ 3 цагийн өмнө
Д.Сосорбарам: Шүүхийн шийдвэргүйгээр хувийн өмчийг дээрэмддэг коммунист улс болсон байна 4 цагийн өмнө
Л.Гантөмөр: МАН одоо боль... 4 цагийн өмнө
Да.Ганболд: C.Зориг агсны амиа алдсан хэргийг сонгууль бүрээр ярьдаг нь жам боллоо 4 цагийн өмнө
Mонгол Улсын Ерөнхийлөгч У.Хүрэлсүхэд Бүгд Найрамдах Киргиз Улсын Парламентын дарга Нурланбек Шакиев бараалхав 4 цагийн өмнө
ХЭҮК: ББСБ-аар авсан автомашинд эзэнд нь мэдэгдэлгүй GPS суулгаж байгаа нь эрүүгийн ялтай үйлдэл 6 цагийн өмнө
З.Нарантуяа: Үг хэлэх эрх чөлөө хумигдсан нь ардчиллын ухралтад шууд нөлөөлсөн 6 цагийн өмнө
Сонгууль 2024: Ерөнхийлөгч У.Хүрэлсүхийн дэвшүүлж буй горилогчид 7 цагийн өмнө
Стэнфордын Их сургуулийн профессор, доктор Жи Вук Шин тэргүүтэй төлөөлөгчдийг хүлээн авч уулзав 8 цагийн өмнө
Түрээсийн орон сууцны оршин суугчийг сонгон шалгаруулах журмын санал боловсруулжээ 8 цагийн өмнө
Л.Алтан-Үйлст хүү 3 настайгаасаа эхлэн уран зураг зурж, 80 гаруй уран бүтээлийг гаргажээ 8 цагийн өмнө
Б.Гансүлд: 70 сая төгрөгийн бараа маань замдаа шатсан ч шантралгүй зүтгэж "Сүлдээгийн дэлгүүр"-ээ нээсэн 8 цагийн өмнө
Малчид, иргэд, тээвэрчдийн анхааралд 9 цагийн өмнө
Бие даан нэр дэвшигч 77 иргэн мөрийн хөтөлбөрөө хянуулахаар илгээжээ 9 цагийн өмнө