2023 оны долдугаар сарын 1-ний нэмэгдлээс хойш төрийн албан хаагчдын үндсэн цалин дунджаар 40 хувиар нэмэгдсэн. 2021, 2022 онуудад төрийн албан хаагчдын цалинг цар тахлаас үүдээд нэмэгдүүлж чадаагүй байсан учраас 2023 онд нэмэх арга хэмжээг Засгийн газраас авсан билээ.
Өнгөрсөн оны долдугаар сарын нэмэгдлийн өмнө төрийн алба хаагчдын дундаж цалин 1.4 сая төгрөг байсан бол одоо хоёр сая төгрөг болсон байна. Мөн ирэх дөрөвдүгээр сарын 1-нээс 10-20 хувиар нэмнэ. Ингэснээр төрийн албан хаагчийн дундаж цалин 2.4 сая төгрөг болно.
"Үндсэндээ, төрийн албан хаагчийн цалин есөн сарын дотор нэг сая төгрөгөөр нэмэгдэж байна" гэдгийг ХНХ-ын сайд Х.Булгантуяа мэдээлсэн.
Тэгвэл ирэх сарын 1-нээс эхлэн эмч, багш нарын үндсэн цалин 10 хувь нэмэгдэж, 1.4 сая төгрөгт хүрэх юм байна. Харин орон нутагт ажиллаж байгаа эмч, багш нарын цалин 20-40 хувиар нэмэгдснээр аймагт 2.1 сая төгрөг, сумдад 2.3 сая төгрөг болж нэмэгднэ.
Сэтгэгдэл (23)