Н.Энхболд: УИХ-д 95 ба түүнээс дээш гишүүн сонгогдвол парламент бүрэн эрхээ хэрэгжүүлнэ

Ц.Цэрэнбадам

2024/04/01

УИХ дахь МАН-ын бүлэг өнөөдрийн хуралдаан өнөөдөр хуваарь ёсоор хуралдсан. Хурлаар УИХ-ын дэгийн тухай хуулийн төслийг хэлэлцээд, УИХ-ын даргад өргөн мэдүүлж, батлах нь зүйтэй хэмээн үзсэн байна. Энэ талаар УИХ-ын гишүүн, УИХ-ын Төрийн байгуулалтын байнгын хорооны дарга Н.Энхболд мэдээлэл хийлээ.

Тэрбээр “Монгол Улсын Үндсэн хуульд орсон нэмэлт өөрчлөлттэй холбоотойгоор УИХ- ын дэгийн тухай хуульд өөрчлөлт оруулах шаардлага үүссэн. Шинэ парламент үүсэхэд Үндсэн хуульд нийцсэн үйл ажиллагаа эхлүүлэх ёстой.

Тиймээс УИХ -ын бүрэлдэхүүний тухай, бүтэц зохион байгуулалт, УИХ-ын дарга, УИХ-ын гишүүний бүрэн эрх, хууль тогтоох журмын талаар, Тамгын газрын чиг үүрэг, бусад гэсэн 7 бүлэг бүхий өөрчлөлт УИХ -ын тухай хуульд орж байгаа. Нэг танхимтай 126 гишүүнтэй парламент байна. УИХ-ын сонгуулиар 95 ба түүнээс дээш гишүүн сонгогдсон бол УИХ бүрэн эрхээ хэрэгжүүлнэ. УИХ-д 64 ба түүнээс дээш суудал авсан нам эвсэл олонхи болно гэсэн заалт оруулсан.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.41.93.59

2024/04/02

Бусад улс орнуудад олон жил ажилласан парламентчид нь шинэ залуу гишүүдээ яаж эх орон ард түмэндээ ашиг тустай ажиллах, хуулийг хэрхэн нарийн чанд мөрдөх талаар зааж сургадаг байхад манайд яаж намын дарга-даа үнэнч байх, хуйвалдаанд хэрхэн оролцох, гэмт хэргээ хуулийн дагуу яаж дарагдуулах тухай л сургаад байгаа мэт ажиллах юм. Үүний нотолгоо нь олон олон шинэ гишүүд гал цогтой залуус гэмт хэрэгтэн болоод байна.

Хариулах

62.55.205.86

2024/04/01

Цэцэрхэж суухаар сүүлийн 8 жил идэж уусан, дээрэмдсэн хувхайлсан асуудлаа цэгцэлж хариуцлагаа үүрцгээ дээ. Уут уут мөнгөөр улсаа худалдсан ноёд гуай. Бүүр нэг харах царайны гөлчийчихөөд байж байгааг нь.

Хариулах