Ж.Сүхбаатар: Эхний 20 автобусыг л анх албан ёсоор хүлээн авсан

Ногоон автобусны сонсголд та гэрчээр дуудагдсан уу?

Миний ойлгож байгаагаар түр хороо сая байгуулагдаад хянан шалгах шинжээчээ одоо томилж байгаа юм байна. Би түр хороонд ороогүй учраас мэдээлэл алга байна. Хянан шалгах шинжээчийг томилсны дараа материалаа цуглуулаад шинжилгээ хийгээд сонсгол хийх бол хэн хэнийг дуудах вэ? гэдэг асуудлаа шийддэг журамтай. УИХ-ын хяналт шалгалтын тухай хуульд заасны дагуу би сонсголд оролцоно. Хамгийн гол нь энэ удаагийн сонсголын хүрээ нь их явцуу юм билээ. Ер нь бол төрийн худалдан авалтын сонгон шалгаруулалтаа хэрхэн явуулсан бэ? гэсэн хүрээнд явах юм билээ. Хэрэг шүүхэд шилжсэн. Эхлээд гэрчээр дуудаж байгаад дараа нь яллагдагчаар дуудсан асуудал бий. Эхний 20 автобусыг л анх албан ёсоор хүлээн авсан. Сүүлд 80 автобус дээр хэл ам үүссэн.