Дөрөвдүгээр фарм ХХК  Дархан-Уул аймгийн эмнэлгүүдэд аюулгүй зүү, тариурын хандив өглөө

БНСУ-ын Засгийн газар, Poonglim Parmatech LLC үйлдвэрийн хамтарсан ODA төслийн хүрээнд аюулгүй зүү тариурыг Дархан уул аймагт эмнэлгүүдэд хандивлалаа.

Дөрөвдүгээр эмнэлгийн охин компани болох Дөрөвдүгээр Фарм нь Аюулгүй зүү тариурын хэрэглээ ач холбогдлын талаар практик дадлагад суурилсан сургалтаа 2024.04.19-нд Дархан-Уул аймгийн 21 эмнэлгийн төлөөлөл болсон 40 гаруй эмч, сувилагч, эмнэлгийн мэргэжилтэнгүүдэд эмнэлгийн ажилчид хамрагдлаа.

Эмнэлгийн ажилчид хурц үзүүртэй иртэй багаж хэрэгсэлд өртөх эрсдэл их тохиолддог бөгөөд үүнээс урьдчилан сэргийлэхийн тулд аюулгүйн хамгаалалт /эвхэгддэг таг/ бүхий зүүг хэрэглэснээр эрсдэлээс сэргийлэх хувь нэмэртэй юм.

Мөн аюулгүй зүүнээс гадна тариур нь люер түгжээтэй хэмжээсний нарийвчлал өндөртэй, тунгийн алдагдал гарахгүй конус порше, давхар ханатай гэдгээрээ бусад тариураас давуу талтай юм.

Уг төслийн хүрээнд Дөрөвдүгээр эмнэлэг нь аюулгүй зүү, тариурыг хэрэглээндээ нэвтрүүлсэн бөгөөд цаашид шат дараалалтайгаар үргэлжлэх юм.