“Шинэ хоршоо” хөдөлгөөний хүрээнд 3778 хоршоо байгуулагдаж, 38464 малчин хоршоонд нэгдлээ

О.Шүрэнцэцэг
2024/06/15

Шинэ хоршоо” хөдөлгөөн II шат руугаа орлоо. Тодруулбал, “Шинэ хоршоо хөдөлгөөн 2.0” хоршоологч, үйлдвэрлэгчийн талууд хамтран ажиллах санамж бичиг байгууллаа. Хоршоологчид үйлдвэрлэсэн бараа, бүтээгдэхүүнээ хаана, яаж нийлүүлэх вэ гэдэг асуудалтай тулгардаг бол энэхүү санамж бичгийг байгуулснаар эл асуудал бүрэн шийдэгдэж байна.

Засгийн газраас “Шинэ хоршоо” хөдөлгөөнийг санаачлан эрчимтэй хэрэгжүүлснээр  сар гаруй хугацаанд анхан шатны хоршоо 3778, дундын хоршоо арав байгуулагдаж, 38464 малчин гишүүнээр элсэж, 70 тэрбум төгрөгийн хөрөнгө оруулалтын зээл авчээ. Бүс нутгаар нь онцолбол, Архангай аймагт хамгийн олон буюу 400 гаруй хоршоо байгуулагджээ.

Одоо хоршоод үйлдвэрлэл үйлчилгээ явуулах бэлтгэл ажлаа базааж эхэлжээ. Яг энэ үед үйлдвэрлэгч талуудтай хамтран ажиллаж эхэлснээр өөрсдийн түүхий эдээ нэмүү өртөг шингэсэн үнээр худалдан борлуулах боломжтой болж байна.

Монгол Улсын хэмжээнд өнгөрсөн онд 3.4 сая толгой, энэ онд 7.4 сая толгой мал хорогдсон байна. Тиймээс эрсдэлд тэсвэртэй бөгөөд мах, арьс, шир, ноос, ноолуур, дайвар бүтээгдэхүүн гээд малчны гараас гарах боломжтой бүхий л бүтээгдэхүүнээс ашиг орлого олох боломжтой байхын тулд “Шинэ хоршоо” хөдөлгөөнийг санаачлан хэрэгжүүлж буйг Монгол Улсын сайд, ЗГХЭГ-ын дарга Д.Амарбаясгалан онцоллоо.

Тэрбээр “Шинэ хоршоо” хөдөлгөөн бол  богино хугацаанд малчдын амьдралыг дээшлүүлэх, малын чанарыг сайжруулах, бэлчээр ашиглалтын байдал, малын гаралтай түүхий эдийг эргэлтэд оруулах учраас эрчимтэй хэрэгжүүлж байна. Хоршоологчид маань ирэх намраас бүтээгдэхүүнээ үйлдвэрлэж зах зээлд нийлүүлж эхэлнэ. Зээлийн батлан даалтын сан хоршоологчдын зээл дээр  80-100 хувийн батлан даалт гаргаагүй бол 70 тэрбум төгрөгийн хөрөнгө оруулалт хийгдэхгүй байсан” гэлээ.

Засгийн газраас санаачлан хэрэгжүүлж буй “Шинэ хоршоо” хөдөлгөөн ийнхүү хоёрдугаар шат руугаа орж, хөрөнгө оруулалтын зээл авч, үйлдвэрлэл үйлчилгээгээ өргөжүүлж буй хоршоологчдын төлөөлөл, үйлдвэрлэгчдийн төлөөлөлтэй хамтын ажиллагаа эхэлж байна.

Тухайлбал, Дорнод аймгийн Баяндун сумын “Баяганга Бая” хоршооныхон “Булигаар” ХК-тай хамтран ажиллах санамж бичиг байгууллаа. Тус хоршоо анх 2009 онд байгуулагдсан ч эргэлтийн хөрөнгөгүй болж зогсонги байдалд оржээ. Улмаар “Шинэ хоршоо” хөдөлгөөнд нэгдэж хөрөнгө оруулалтын зээлээ авч, үйл ажиллагаагаа өргөжүүлж эхэлжээ. Тэд одоо бүтээгдэхүүнээ зах зээлд нийлүүлэх боломж бүрдэж буйд баяртай байгаагаа илэрхийллээ.


0
angry
0
care
0
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
"Монгол эв нэгдэл" төслийн багийнхан Завхан аймагт ажиллаж байна 4 цагийн өмнө
ТАНИЛЦ: Засгийг газрын хуралдаанаас гаргасан шийдвэрүүд 4 цагийн өмнө
Оксфорд: Монгол Улс кибер аюулгүй байдлыг хангах хөрөнгө оруулалтыг нэмэгдүүлэх шаардлагатай 4 цагийн өмнө
Арилжааны банкнууд хамтран АТМ-ны гүйлгээний шимтгэлээ 100 төгрөг болголоо 5 цагийн өмнө
Зам тээврийн осол гаргасан жолооч цагдаа дуудах шаардлагагүй 5 цагийн өмнө
Агаарын бохирдлыг бууруулах арга хэмжээний талаар НИТХ-аар хэлэлцэж байна 6 цагийн өмнө
О.Алтангэрэл: "MCS" групп төрийн нууцыг хууль бусаар олж авсан 6 цагийн өмнө
Л.Энх-Амгалан: Шинийн 4 буюу даваа гарагаас төрийн байгууллагуудын ажил, үйлчилгээ хэвийн явагдана 7 цагийн өмнө
Цагаан сарын баярын амралтыг 6-10 хоног болгох тухай өргөдөлд гарын үсэг цуглуулж байна 8 цагийн өмнө
ЭТТ: Цагаан сараас өмнө 100 мянга төгрөгийн ногдол ашгийг иргэдэд өгнө 8 цагийн өмнө
Цахилгааны мөнгө бууруулах өргөдөлд 4232 хүн гарын үсэг зуржээ 9 цагийн өмнө
Н.Гансүх Налайх дүүргийн АН-ын даргаар сонгогдлоо 9 цагийн өмнө
Олимп хотхонд 640 хүүхдийн суудалтай сургуулийн барилга ашиглалтад орлоо 10 цагийн өмнө
Чингэлтэй дүүргийн сурагчид усан спортоор хичээллэж эхэллээ 10 цагийн өмнө
ХААН Банк “Цагаан алт” хөтөлбөрийн хүрээнд “Дархан нэхий” ХК-д анхны хөнгөлөлттэй зээлийг олголоо 10 цагийн өмнө
Өнөөдөр НӨАТ-ын сугалааны тохирол болно 12 цагийн өмнө
Засгийн газрын хуралдаанаар “Эрдэнэс Тавантолгой” ХК-ын ногдол ашгийн талаар хэлэлцэнэ 12 цагийн өмнө
Алтай, Хэнтийн уулархаг нутгаар ялимгүй цас орно 12 цагийн өмнө
Улаанбаатар хот-2040 хөгжлийн төлөвлөгөөг Багануур дүүргийн иргэдэд танилцууллаа Өчигдөр
Обьектын гал түймрийн талаас илүү хувь нь санамсар болгоомжгүйгээс гарч байна Өчигдөр