Олимпын мөнгөн медальт Б.Баасанхүүд хоёр өрөө байр бэлэглэлээ

Олимпын мөнгөн медальт Б.Баасанхүүд Хөвсгөл аймгаас хоёр өрөө байр бэлэглэлээ. Мөн Б.Баасанхүүгийн анхны багш дасгалжуулагч Б.Очирбат, А.Даваадорж нарт тус бүр 10 сая төгрөг олголоо.

Хөвсгөл аймгийн ЗДТГ: Хөвсгөл аймгийн Мөрөн сумын харьяат Бавуудоржийн Баасанхүү нь 2024 онд жүдо бөхийн -48кг жинд Дэлхийн аварга, зуны ХХХIII олимпын мөнгөн медалийн эзэн болсон нь Хөвсгөлчүүдийн түүхэнд тэмдэглэгдэх үйл явдал болж Хоймор нутгийн нэрийг дэлхийн хэмжээнд цуурайтууллаа. 

Олимпын мөнгөн медальт Б.Баасанхүүгийн энэ түүхэн амжилтыг Хөвсгөл аймгийн удирдлагууд үнэлэн, Мөрөн вилла хотхонд хоёр өрөө байр бэлэглэж, түлхүүр гардуулжээ.