Орон нутгийн автобуснууд Драгоноос хөдөлнө

Нийслэлийн Сонгинохайрхан дүүргийн 20 дугаар хорооны нутаг дэвсгэрт байрлах "Номин" автобуудлын замыг бүрэн хааж, хучиж байгаатай холбогдуулан хот хоорондын тээврийн чиглэлд өөрчлөлт оруулсныг Авто тээврийн үндэсний төвөөс мэдээллээ. Тодруулбал,

"Номин" автобуудлаас:

• Архангай
• Баян-Өлгий
• Баянхонгор
• Говь-Алтай
• Завхан
• Өвөрхангай
• Увс
• Ховд зэрэг аймгийн чиглэлд явдаг байсан хот хоорондын автобус наймдугаар сарын 25-ны 08:00 цагаас эхлэн есдүгээр сарын 1-нийг дуустал хугацаанд Драгон төвөөс хөдөлж байгаа юм байна.

Түүнчлэн дээрх чиглэлээс Улаанбаатар хот руу ирэх автобуснууд мөн Драгон автобуудал дээр зогсоно.