Наймдугаар сарын 30-ныг Монголын Таеквондогийн өдөр болгов

Гурван жилийн зайтай алтан медаль авсан наймдугаар сарын 30-ны өдрийг Монголын таеквондогийн холбооноос “Монголын таеквондогийн өдөр” болгон зарлалаа. Учир нь “Парис-2024” паралимпын наадмын эхний өдөр таеквондогийн эмэгтэйчүүдийн 52 кг-ын жингийн К-44 ангилалд У.Сүрэнжав алтан медаль хүртэж, тус наадмын 5 дахь медаль, гурав дахь алтан медалийг эх орондоо авчирсан юм.

Мөн гурван жилийн өмнөх энэ өдөр “Токио-2020” паралимпын наадмаас Хөдөлмөрийн баатар, гавьяат тамирчин Э.Содномпилжээ алтан медаль авсан билээ. “Парис-2024” зуны 17 дугаар паралимпын наадам ид дундаа орж, одоогоор Монголын баг нэг алт, хоёр мөнгөн медальтайгаар 168 орноос 29 дүгээр байрт бичигдэж байгааг Биеийн тамир спортын улсын хороо мэдээлэв.