ОХУ-аас иж бүрэн тоноглогдсон лаборатори бүхий автомашин бэлэглэжээ

Н.Сумъяасүрэн
2024/09/03

Эрүүл мэндийн сайд Т.Мөнхсайхан Оросын Холбооны Улсын Хүний эрүүл мэнд, хэрэглэгчийн эрх ашгийг хамгаалах холбооны хяналтын газрын дарга, тус улсын Ерөнхий эрүүл ахуйч эмч Анна Юрьевна Попова тэргүүтэй албаны хүмүүсийг хүлээн авч уулзжээ.

Уулзалтаар Сайд Т.Мөнхсайхан хоёр улсын найрсаг харилцаа, эрүүл мэндийн салбар дахь нягт хамтын ажиллагааны талаар дурдаж, манай улсын эрүүл мэндийн салбарыг үүсгэн байгуулагдсан цагаас үнэтэй хувь нэмэр оруулж, нэн чухал дэмжлэг, туслалцааг тухай бүрт үзүүлж ирсэнд талархал илэрхийлэв. ОХУ-ын Хүний эрүүл мэнд, хэрэглэгчдийн эрхийг хамгаалах холбооны хяналтын газартай 2018 онд хамтран ажиллах хэлэлцээр байгуулж, эл хэлэлцээрийн хүрээнд хоёр улсын хилийн дагуух бүс нутагт зоонозын халдварт өвчнөөс урьдчилан сэргийлэх, хянах үйл ажиллагааны чиглэлээр идэвхтэй хамтран ажиллаж ирснийг онцлов. Нэн ялангуяа лабораторийн тусламж үйлчилгээг бэхжүүлэх чиглэлээр бүрэн тоноглогдсон биоаюулгүй байдлын II, III зэрэглэлийн явуулын лабораторийг тоног төхөөрөмжийн хамтаар Зоонозын өвчин судлалын үндэсний төв болон зарим салбар төвүүдэд дэмжлэг болгон хангасан нь КОВИД-19 цар тахлын үед хилийн нэвтрэх цэгт хяналт, тандалт хийх, хариу арга хэмжээг зохион байгуулахад чухал ач холбогдолтой байсныг тэмдэглэв.

Энэ удаад ОХУ-ын Төрийн тэргүүний Монгол Улсад хийж байгаа төрийн айлчлалын үеэр дээрх хэлэлцээрийг шинэчлэн байгуулж байгаа нь цаашдын хамтын ажиллагааг улам гүнзгийрүүлнэ гэдэгт итгэлтэй байгаагаа илэрхийлэв.

ОХУ-ын Хүний эрүүл мэнд, хэрэглэгчийн эрх ашгийг хамгаалах холбооны хяналтын газрын дарга, Ерөнхий эрүүл ахуйч эмч А.Ю.Попова Сайд Т.Мөнхсайханд хандан сайдын албан тушаалд томилогдсонд баяр хүргэж, цаашдын хамтын ажиллагааны чиглэлийн талаар санал солилцлоо. Тэрээр манай улсад ОХУ-ын Засгийн газрын санхүүжилтээр хэрэгжиж буй “Хилийн бүсийн халдварын эрсдэлийг бууруулах хөтөлбөр”-ийн хүрээнд зоонозын халдварт өвчнүүдийн лабораторийн оношилгоог газар дээр нь гүйцэтгэх, хариу арга хэмжээг цаг алдалгүй зохион байгуулахад чухал үүрэг гүйцэтгэх иж бүрэн тоноглогдсон лаборатори бүхий автомашины түлхүүрийг гардуулан өгснөөр уулзалт өндөрлөв.


0
angry
2
care
3
haha
42
liked
11
love
2
sad
2
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
"Монгол эв нэгдэл" төслийн багийнхан Өмнөговь аймагт ажиллаж байна 4 цагийн өмнө
Цахилгааны төлбөрийн тооцооллыг хэрхэн хийж буйг утсаар лавлах боломжтой 4 цагийн өмнө
Эхийн алдар одон шинээр авах эхчүүдийн материалыг ирэх сарын 15-ныг хүртэл авна 5 цагийн өмнө
ЕБС-ийн сурагчдын хичээл маргааш эхэлнэ 5 цагийн өмнө
ТАНИЛЦ: Хоёрдугаар сарын цаг агаарын УРЬДЧИЛСАН МЭДЭЭ 9 цагийн өмнө
Ц.Баатархүү: Дроны мэргэжлийн операторыг сургах, гэрчилгээжүүлэх ажлыг хавраас эхлүүлнэ 9 цагийн өмнө
Улаанбаатар хотын шинэ цэвэрлэх байгууламж энэ оны наймдугаар сард ашиглалтад орно 9 цагийн өмнө
Сэрэмжлүүлэг: Өнөөдөр зүүн аймгуудын нутгаар цас орж, шуурна 9 цагийн өмнө
Өвлийн уралдаан бол дэлхийн анхаарлыг татах нэг том боломж Өчигдөр
Сонгуулийн үеэр хүний амь хөнөөсөн иргэнд 15 жилийн ял оноожээ Өчигдөр
Худалдааны төвийн 85 хувь буюу гурван тэрбум төгрөгийн эд хөрөнгийг авран хамгааллаа Өчигдөр
Т.Ичинхорол: Орой болохоор аавыгаа нэхэх үрсээ хараад дотроо уйлж,чадах бүхнээ тэдэндээ зориулна гэж өөртөө амладаг Өчигдөр
Жагсаал, цуглаан хийх эрх чөлөөний тухай хуулийн төслийг өргөн мэдүүллээ Өчигдөр
Цас орж, цасан шуурга шуурч, ихэнх нутгаар хүйтний эрч чангарна Өчигдөр
Сэрэмжлүүлэг: Цас орж, үзэгдэх орчин хязгаарлагдахыг анхааруулж байна 2025/01/24
Л.Оюун-Эрдэнэ: “Амьдрахад таатай орчин бүрдсэн амьд хот” бүрдүүлэх төлөвлөлт хийсэн 2025/01/24
Галд өртсөн 207-р байрыг ирэх дөрөвдүгээр сард нураана 2025/01/24
Өвлийн морин уралдаанаар 17 сая жуулчин татаж, 23.14 тэрбум юанийн орлого төвлөрүүлжээ 2025/01/24
Ойрын 10 хоногийн цаг агаарын урьдчилсан төлөв 2025/01/24
Цасанд суусан автомашинуудыг татан гаргаж, иргэдийн аюулгүй байдлыг хангажээ 2025/01/24