Баянхонгор аймаг 4.5 магнитудын хүчтэй газар хөдөлжээ

Баянхонгор аймгийн Баянлиг суманд өчигдөр газар хөдөлжээ. Тодруулбал, сумын төвөөс зүүн зүгт 54 км-ын зайтай газарт өчигдөр 13:35:28 цагт 4.5 магнитудын хүчтэй газар хөдлөлт болсон байна. Энэ тухай мэдээллийг ШУА-ийн Одон орон, геофизикийн хүрээлэнгээс мөн өдрийн 13:41 цагт мэдээлжээ. Тус сумын Баян-Араг багийн Засаг даргаас тодруулахад "Тэнгэр хүчтэй дугарч, газар чичирхийлсэн" гэсэн мэдээлэл өгчээ. “Овоот шар” гэдэг газарт нутагладаг малчин Ч, Ц нараас тодруулахад, гэрт байсан хүмүүст чичирхийлэл мэдрэгдсэн, тэнгэр дуугарч байгаа юм шиг чимээ гарсан тухай мэдээлжээ. Бэртэж гэмтсэн хүн болон учирсан хохирол байхгүй гэж мэдэгдсэн байна.