Телеграм залилан гэж юу вэ

 ЦЕГ-ын урьдчилан сэргийлэх газрын ахлах мэргэжилтэн, ахлах дэслэгч Б.Ариунгуагаас телеграм залилангийн талаар тодрууллаа. 

Телеграмын залилан сүүлийн үед ихээр бүртгэгдэж байна. Цагийн ажил хийгээд мөнгөтэй болоорой, гэрээсээ орлоготой болоорой гэх зарууд байдаг. Энэхүү зарууд дээр дараад орохоор линк байдаг, энэ нь  шууд телеграм руу холбогддог.  Телеграмаас хуурамч сайт руу оруулж, үүний дараа  зар сурталчилгаа байршуулах эсвэл даалгавар биелүүлж  мөнгөтэй болно гэдэг. Үүний тулд урьдчилгаа байршуулж цагийн ажлаа хийх боломжтой гэх бөгөөд анхны цалин гэж мөнгө шилжүүлж итгэл төрүүлж залилдаг байна.