ОБЕГ: Гэрээсээ явган гараад сураггүй болсон малчныг эрэн хайж байна

Сүхбаатар аймаг, Онгон сум. Нүдэн баг “Данжуурын дэрс” гэдэг газар тус сумын харьяат малчин У нь есдүгээр сарын 25-ны өдрийн 15:00 цагийн орчимд гэрээсээ явган гараад сураггүй болжээ. Энэ тухай дуудлагыг есдүгээр сарын 28-ны 10:17 цагт холбогдох албаныхан хүлээн авсан байна. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид, Тамгын газрын ажилтанууд, ар гэрийнхэн хамтран есдүгээр сарын 30-ны өдрийн 09:45 цагт эрлийн ажиллагааг анх сураггүй болсон газраас баруун хойд зүгт 20км-ийн зайд тус сумын Нүдэн багийн “Шар бүрд” гэдэг газар зохион байгуулжээ. Үзэгдэх орчин хязгаарлагдмал болсон тул 18:10 цагт эрлийг түр зогсоож сумын төв рүү буцсан. 10 дугаар сарын 01-ний өдрийн 08:00 цагт эрлийн ажлыг эхлүүлсэн байна.