Монгол Улсын 2025 оны төсвийн төсөлд Эхийн алдар I зэргийн одонтой ээжид олгох мөнгөн тэтгэлгийг 400 мянга, Эхийн алдар II зэргийн одонтой ээжид 200 мянган төгрөгт хүргэн нэмэгдүүлэхээр тусгажээ. УИХ-аар ирэх оны төсвийн төслийг хэлэлцэж байгаа бөгөөд Засгийн газраас оруулж ирсэн дээрх саналыг УИХ-ын гишүүд дэмжсэн нөхцөлд ирэх оноос Алдарт эхийн одонтой ээжүүдэд олгох мөнгөн урамшуулал хоёр дахин нэмэгдэж хүрэх юм.
Улсын хэмжээнд энэ оны тавдугаар сарын байдлаар 300 мянган ээж Эхийн алдар I, II зэргийн одонг авдаг болохыг Ерөнхийлөгчийн Тамгын газраас мэдэгдэж байв. Мөн мөнгөн урамшууллын хэмжээг нэмэгдүүлэх шаардлага байгааг ч онцолж байсан.
Эхийн алдар II зэргийн одонтой ээж жилд 100 мянган төгрөг авдаг бол Эхийн алдар I зэргийн одонтой ээжид 200 мянган төгрөг олгож байгаа юм.
Сэтгэгдэл (0)
Сэтгэгдэл бичигдээгүй байна