Хэнтийчүүдийн олонх нь МАН-ыг дэмжжээ

Аймаг нийслэл сум дүүргийн орон нутгийн сонгууль явагдаж, дүнгээ гаргасан. Үүнээс хамгийн сонирхолтой нь Хэнтий аймгийн иргэдийн сонголт байлаа. Хэнтий аймаг нь 35 мандаттай. Үүнээс МАН 17, АН 18 суудал авч нэг суудлын зөрүүтэйгээр АН ялалт байгуулсан. 

Гэсэн хэдий ч нийт сонгогчдын 21987 нь МАН-д, 21263 нь АН-д саналаа өгчээ. Тодруулбал, нийт саналын тоогоороо буюу 724 иргэний саналаар /давхардсан тогоор/ МАН илүүрхсэн байна.
Аймгийн төв буюу Хэрлэн сумын хувьд ч 1 суудлын зөрүүтэйгээр АН ялалт байгуулсан. Гэсэн хэдий ч 18305 иргэн МАН-д, 17401 иргэн АН-д саналаа өгч 904 иргэнээр МАН-ыг дэмжигчид илүү байгаа юм.

Үүнээс үзвэл Хэнтий аймаг, сумын хувьд 1, 1 суудлын зөрүүгээр АН ялалт байгуулсан мэт харагдах боловч мөн чанартаа Хэнтий аймгийн дийлэнх иргэд МАН-ын төлөө саналаа өгч, тэдэнд дахин итгэл үзүүлсэн нь харагдаж байна.

Цаашид дийлэнх иргэдийнхээ дэмжлэгийг авч чадаагүй ч ялалт байгуулсан АН, олонхын санал авсан ч 1 суудлын зөрүүгээр ялагдсан МАН хоёр хэрхэн ажиллахыг харах л үлдлээ.