УИХ дахь МАН, АН-ын бүлэг Ерөнхийлөгчийн хоригийг хүлээж авлаа

УИХ дахь АН, МАН-ын бүлэг хуралдаж, 2025 оны төсөвт бүхэлд нь тавьсан Ерөнхийлөгчийн хоригийг хүлээж авах нь зүйтэй гэж үзлээ. 

УИХ дахь МАН-ын бүлэг өнөөдөр ээлжит бусаар хуралдаж, Монгол Улсын 2025 оны төсвийн тухай хууль, хамт өргөн мэдүүлсэн болон холбогдуулан боловсруулж баталсан хууль тогтоомжид бүхэлд нь тавьсан Монгол Улсын Ерөнхийлөгчийн хоригийн Улсын Их Хурал дахь МАН-ын бүлэг хэлэлцэж, хүлээн авах нь зүйтэй гэж шийдвэрлэсэн байна.

Мөн УИХ дахь Ардчилсан намын бүлэг ээлжит бусаар хуралдаж, Монгол Улсын 2025 оны төсвийн тухай хууль, хамт өргөн мэдүүлсэн болон холбогдуулан боловсруулж баталсан хууль тогтоомжид бүхэлд нь тавьсан Монгол Улсын Ерөнхийлөгчийн хоригийг хэлэлцэж байна. УИХ дахь Ардчилсан намын бүлгийн хуралд Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай оролцож хориг танилцуулсан бөгөөд АН-ын бүлэг олонхоороо хүлээж авах нь зүйтэй гэж үзжээ.

УИХ-ын чуулганы хуралдаан өнөөдөр 15.00 цагт хуралдаж, Ерөнхийлөгчийн хоригийг хэлэлцэх юм.