Утааны сонсгол хийх цахим өргөдөлд 70480 иргэн гарын үсэг зуржээ

Утааны сонсгол хийх цахим өргөдөлд 14:35 цагийн байдлаар гарын үсэг зурсан иргэдийн тоо 70480  хүрчээ. Нийтийн өргөдөл, гомдлын систем petition.parliament.mn дэх "Утааны сонсгол хийцгээе! төсвийн зарцуулалтад хяналт, үнэлгээ хийж сайжруулцгаая!" сэдэвт өргөдөл 11 дүгээр сарын 27-ноос эхэлсэн бөгөөд нэг сарын хугацаанд үргэлжлэх юм.   

Монгол Улсын Их Хурлын Тухай хуулийн 39 дүгээр зүйлийн 1-т заасны дагуу Байнгын хорооны эрхлэх асуудлын хүрээнд хяналт шалгалт явуулах бол 70,000 иргэний гарын үсгийг цуглуулах шаардлагатай байдаг байна.  

Сүхбаатарын талбай дээр хоёр дахь өдрөө утааны эсрэг тайван жагсаал болж байна. Жагсаал зохион байгуулагчдын зүгээс сонсголыг уулан дээр зохион байгуулна гэх мэдээллийг өгөөд байна.