Ногоон гэрэл цагаан шугам тэмцээн боллоо

Ногоон гэрэл цагаан шугам тэмцээн гар зураг, захидал, шүлгийн төрлөөр зохион байгуулагдлаа. Сүхбаатар дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс дүүргийн Боловсролын хэлтэс болон Замын цагдаагийн хэлтэстэй хамтран Сүхбаатар дүүргийн хэмжээнд замын хөдөлгөөний аюулгүй байдлыг сайжруулах, зам тээврийн осол гэмтлийг бууруулах, хүүхэд залуучуудын замын хөдөлгөөний аюулгүй байдлын талаарх мэдлэг мэдээллийг нэмэгдүүлэх, өөрийн бүтээлээр дамжуулан олон нийтэд замын хөдөлгөөний аюулгүй байдлыг сурталчлан таниулах зорилгоор ерөнхий боловсролын сургуулийн сурагчдын дунд Ногоон гэрэл цагаан шугам тэмцээний хүрээнд “Хүүхдийг зам тээврийн ослоос урьдчилан сэргийлэх нь” сэдвээр шүлэг, захидал, гар зургийн уралдааныг зохион байгууллаа.

Өнөөдөр уралдаанд шалгарсан бүтээлүүдээс шилдгүүдийг шалгаруулж шагнал гардуулах арга хэмжээ Үндэсний номын сангийн үзэсгэлэнгийн танхимд боллоо.

Арга хэмжээнд дүүргийн ИТХ-ын нарийн бичгийн дарга Ц.Осорваань, Боловсролын хэлтсийн дарга Д.Адъяасүрэн, Замын цагдаагийн хэлтсийн дарга, Цагдаагийн дэд хурандаа Б.Бүрэнтөгс нар оролцов.

Уралдаанд дүүргийн төрийн өмчийн 25 сургуулийн сурагчид бүтээлүүдээ ирүүлсэн бөгөөд тус бүтээлүүдээр нээлттэй үзэсгэлэн гаргаж танилцуулсан юм. Мөн энэ үеэр сурагчдын дунд замын хөдөлгөөний аюулгүй байдал сэдвээр АХА тэмцээнийг зохион байгууллаа.

АХА тэмцээнд

1-р байр: 3 дугаар сургуулийн сурагч н.Мөнхжаргал

2-р байр: 3 дугаар сургуулийн сурагч н.Сод-Эрдэнэ

Гар зургийн уралдаанд

1-р байр: 159 дүгээр сургуулийн 3а ангийн сурагч М.Шинэхүслэн

2-р байр: Монгол Оросын хамтарсан 3 дугаар сургуулийн 4ж ангийн сурагч Э.Золбоо

3-р байр: 3 дугаар сургуулийн 4г сургуулийн сурагч Б.Мөнхнаран

Гэрэл зургийн уралдаанд

1-р байр: 3 дугаар сургууль

2-р байр: 29 дүгээр сургууль

3-р байр: 31 дүгээр сургууль

Шүлгийн уралдаанд

1-р байр: 3 дугаар сургууль н.Намуун

2-р байр: 2 дугаар сургууль н.Болорцэцэг

3-р байр: 35 дугаар сургууль н.Энхчимэг

Захиа бичих уралдаанд

1-р байр: 16 дугаар сургуулийн Анударъяа

2-р байр: 45 дугаар сургуулийн н.Хүслэн

3-р байр: 159 дүгээр сургуулийн Э.Энхсаруул

Шилдгээр шалгарсан бүтээлүүд нь Тээврийн цагдаагийн газраас зохион байгуулах нийслэлийн шилдэг бүтээл шалгаруулах уралдаанд Сүхбаатар дүүргээ төлөөлөн оролцох юм.