Хөвсгөл аймгийн Улаан-Уул суманд 4.0 магнитуд хүчтэй газар хөдөлжээ

Хөвсгөл аймгийн төвөөс баруун хойд зүгт 244 км-т, Улаан-Уул сумын төвөөс баруун хойд зүгт 80 км-т 4 дүгээр багийн “Шаана” гэдэг газар 01 дүгээр сарын 09-ний өдрийн 23:33 цагт газар хөдөлжээ. Газар хөдлөлтийн хүч нь 4.0 магнитуд байсан тухай мэдээллийг мөн өдрийн 23:39 цагт ООГХ-ээс цахим шуудангаар ирүүлсэн байна.

Тус аймгийн Онцгой байдлын газраар дамжуулан Улаан-Уул сумын Засаг даргын Тамгын газрын дарга, багийн Засаг дарга, иргэдээс тодруулахад газар хөдлөлтийн чичирхийлэл мэдрэгдээгүй бөгөөд учирсан хохиролгүй тухай мэдээллээ.