УИХ-ын гишүүн асан Ж.Мөнхбатыг эрэн сурвалжилж байна

УЕПГ-аас Прокурорын байгууллагын 2024 оны хяналтын ажлын дүн мэдээ, Нийслэлийн прокурорын газраас хяналт тавьсан зарим хэргийн хяналт шийдвэрлэлт, явцын талаар мэдээлэл өглөө. 

Энэ үеэр, Нийслэлийн прокурорын газраас "УИХ-ын гишүүн асан Ж.Мөнхбаттай холбогдох хэргийг Нийслэлийн прокурорын газраас мөрдөн шалгаж байна. Түүнийг гадаад улсад оргон зайлсан гэх үндэслэлээр эрэн сурвалжилж байгаа" гэж мэдэгдэв. 

Ж.Мөнхбат нь нүүрсний хулгайн хэрэгт нэр холбогдож, яллагдагчаар татагдан шалгагдаж байсан бөгөөд хууль хяналтын байгууллагад шалгагдаж байх хугацаандаа буюу 2023 оны аравдугаар сард БНСУ-руу явсан гэх мэдээллийг нүүрсний сонсголын үеэр тухайн үеийн ХЗДХ-ийн сайд мэдээлж байсан юм.