Л.Энх-Амгалан: Хувийн нэмэлт тэтгэврийн тухай хуулийн төсөл өргөн барина

Гэр бүл, хөдөлмөр, нийгмийн хамгааллын сайд Л.Энх-Амгалан 2025 оны УИХ-ын хаврын чуулганд

• Хувийн нэмэлт тэтгэврийн тухай хууль,
• Хөдөлмөр эрхлэлтийг дэмжих тухай хууль,
• Хөдөлмөрийн аюулгүй байдал, эрүүл мэндийн тухай хууль,
• Нийгмийн халамжийн тухай хуулийн төслийг өргөн барихаар бэлтгэж байна хэмээн мэдээллээ.

Тодруулбал Тус Солюшн ХХК-тай хамтран нийгмийн хамгааллын хуулиуддаа системийн шинжилгээ хийлгэсэн аж. Тэрбээр "Манай салбарт хэрэгжиж буй хуулиудад илэрч буй нийтлэг дутагдал нь хугацаа, хариуцах эзнийг бүрэн гүйцэт тодорхойлоогүйд байна.

Хуулиар хүлээсэн үүргийг хэрэгжүүлэх эзэн тодорхойгүй байснаас үүдэн хууль бүрэн гүйцэт хэрэгжиж үр дүнд хүрдэггүй. Үүнээс үүдэж нийгэмд үүсэж буй доголдлын суурь болж байна.

Цаашид хуулиа харилцан уялдаатай боловсруулах тогтвортой байлгах зөвлөмжийг удирдлагын багтаа өглөө гэж мэдээлэв.