Ч.Хүрэлбаатар: Би шинээр байгуулагдах засгийн газарт ажиллахгүй

Эдийн засаг, хөгжлийн сайд асан Ч.Хүрэлбаатараас тодруулж байна.

Тэрбээр "МАН-ын Удирдах зөвлөл өнөөдөр хуралдаж байгаа. Энэ хурлаар намын Бага хурал хэзээ хуралдах вэ гэдгийг товлох болов уу. Хоёрт, хэн нэгэн хүний нэрийг ярихаас өмнө шинэ Засгийн газрын өмнө ямар асуудал тулгарч, шийдэх ёстой вэ гэдгийг ярих болов уу гэж бодож байна. Улс орны эдийн засгийн байдал хүндхэн, экспортын орлого унасан байна. Улсын төсвийн орлого бүрдэхгүй, дутагдаж байна. Тэгэхээр улсын хөгжлийн төлөвлөгөөнд тусгасан ажлууд, хөрөнгө оруулалтын ажлуудыг санхүүжүүлэх боломжгүй болсон байна. Валютын нөөц буурч, ханшийг хүчээр барьж байна. Гол тулгуур болсон хувийн хэвшлээ яах вэ гэдэг асуудлаас гадна нийгэмд бий болсон шударга бус байдлын асуудал тулгамдаж байна гэлээ.