Халхгол суманд гарсан хээрийн түймэрт 5100 га талбай өртжээ

Дорнод аймгийн Халхгол суманд зургаадугаар сарын 12-нд ой, хээрийн түймэр гарчээ. Дорнод аймгийн Халхгол сумын Ташгай багийн "Азарга-Уул" гэдэг газар зургаадугаар сарын 12-ны өдрийн 09:58 цагт ой, хээрийн түймэр бүртгэгджээ. Дуудлага, мэдээллийн дагуу тус аймгийн Онцгой байдлын газрын Халхгол сум дахь 62 дугаар ангийн алба хаагчид хээрийн гал түймрийг унтраах ажлыг зохион байгуулж зургаадугаар сарын 13-ны өдрийн 06:00 цагт бүрэн унтрааж Ташгай багийн Засаг даргад хүлээлгэн өгсөн байна. Түймэрт 5100 га хээрийн талбай өртөж шатсан.