Улаанбаатарын автомашины дугаарыг олон улсын стандартад нийцүүлэн шинэчилнэ

Хотын дарга Х. Нямбаатар Улаанбаатарын автомашины улсын дугаарыг удахгүй олон улсын стандартад нийцүүлнэ гэлээ. 

Тэрээр өөрийн цахим хуудаст,  Аялагч Ганхүү Узбекстан улсад аялж яваа бичлэгийг үзээд энэхүү постыг орууллаа. Мань хүнийг хилийн шалганы хүмүүс машиных нь улсын дугаарыг хараад Украйнынх уу гэж асуусан бна. Ингэж асуухаас ч аргагүй. Манай улсын автомашины дугаар олон улсын стандартад нийцээгүй бараг цор ганцаар улсын кодгүй, крилл үсэгтэй байдаг. Улаанбаатар удахгүй олон улсын стандартын дагуу автомашины дугаарыг шинэчлэх стандарт батлуулахаар ЗТХЯаманд төслөө хүргүүлсэн байгаа. Стандарт батлагдахаар зөвхөн Улаанбаатарт бүртгэлтэй 805 мянган тээврийн хэрэгслийн дугаарыг олон улсын стандартад нийцүүлэн шинэчлэх ажил эхэлнэ.