Н.Номтойбаяр: Ерөнхий сайдыг өрөвдөж байна, танхим хүссэнээр нь байгуулагдаагүй

УИХ-ын гишүүн Н.Номтойбаяраас тодруулж байна.

 Шадар сайдын албан тушаалаас татгалзсан шалтгаан юу байв?

 Шадар сайдын түвшинд хамтран ажиллах саналыг Г.Занданшатар Ерөнхий сайдын зүгээс чин сэтгэлээсээ хамтрах санал тавьсан. Миний мэддэг, чаддаг, гараас ажлын үр дүн гарах тодорхой хэдэн чиглэл бий. Чиг үүргийн хувьд хараахан тохирохгүй байсан. Ямар ч тохиолдолд би нэг сайдын сэтэр авах гэж юу ч хийсэн яах вэ. Сайд л болж байвал болж байна гээд гүйж явдаг хямдхан улстөрч биш гэдгээ хэлэх нь зүйтэй байх. Ажил хэргийн хүрээнд тодорхой асуудал хариуцлаа гэхэд үр дүн гарах ёстой. Энэ зарчмыг би баримталсан.