Б.Жавхлан: Ерөнхий сайд “Алт-3” хөтөлбөрийг хурдан явуул гэж онцлон хэлж байгаа

Засгийн газрын ээлжит бус хуралдаан өнөөдөр /2025.06.20/ хуралдаж Сангийн сайд Б.Жавхлан хуралдаанаас гарсан шийдвэрийн талаарх мэдээллийг өгсөн. Засгийн газраас "Алт-3" хөтөлбөрийг хэрэгжүүлэх хүрээнд дараах мэдээллийг өглөө.

Тэрбээр "Алтны үйлдвэрлэлийг дэмжих үүднээс энэ хөтөлбөрийг эхлүүлж байгаа шүү. Алтыг Монголбанканд авчраад л, төгрөгөө авдаг онцлогтой. Төвсийн орлого талд харьцангуй бага нэмэртэй. Хамгийн гол нь валютын нөөцөд эерэгээр нөлөөлдөг.

Засгийн газар дээр бол хөтөлбөрийг хэрэгжүүлнэ гээд тогтоол гарчихсан. Үндсэндээ хоёр чиглэлээр ярина. Үндсэн орд дээр таван лиценз бий. Эд нарыг тодорхой хэмжээнд эргэлтэд оруулъя, байгаль орчиндоо маш сайн анхааръя гэж байгаа. Өмнө нь нөхөн сэргээлтийн 50 хувь дээр барьцаа оруулдаг байсан бол одоо 100 хувь. Өмнө нь АМНАТ-ийн хөнгөлөлт өгдөг байсан, одоо бол үгүй. Үнэ ингэж өссөн нөхцөлд хэр баргийн өртгөө даваад гарна.Г.Занданшатар Ерөнхий сайд хурал бүр дээр л “Алт-3” хөтөлбөрийг хурдан явуул гэж онцлон хэлж байгаа" гэлээ.