Бүргэдийн баярыг Улаанбаатар хотод 20 дахь удаагаа зохион байгуулна

“Бүргэдийн баяр”-ыг жилд хоёр удаа, намар Баян-Өлгий аймагт, хавар Улаанбаатар хотод зохион байгуулдаг уламжлал тогтсон. 

Энэ жил  “Бүргэдийн баяр-2026”-ыг 3 дугаар сарын 7, 8-ны өдрүүдэд "Чингис хааны хүрээ” цогцолборт 20 дахь удаагаа зохион байгуулагдана. 

Бүргэдийн баярыг Соёл, спорт, аялал жуулчлал, залуучуудын яамны дэмжлэгээр Нийслэлийн аялал жуулчлалын газар, Монголын бүргэдчдийн холбоо, Баян-Өлгий аймгийн соёл, урлагийн газар, "Чингис хааны хүрээ" цогцолбор зэрэг байгууллага хамтран зохион байгуулна. Харин ХушХан (HushKhan) брэнд ерөнхий ивээн тэтгэгчээр оролцох юм. 

Энэ удаагийн бүргэдийн баярт Баян-Өлгий, Төв, Сэлэнгэ зэрэг аймгаас 29 бүргэдчин оролцох бол Бүгд Найрамдах Казахстан Улс, Бүгд Найрамдах Киргиз Улс, Испани, Унгар, ОХУ-аас 16 тамирчин оролцоно.