ЕРӨНХИЙ САЙД У.ХҮРЭЛСҮХ НЬ О.СОДБИЛЭГ, Л.ЭНХ-АМГАЛАН НАРТАЙ ХАМТРАН АЖИЛЛАХААС ТАТГАЛЗАВ

Монгол Улсын 30 дахь Ерөнхий сайдаар томилогдоод удаагүй байгаа У.Хүрэлсүхийн хувьд 14 хоногийн дотор засгийн газраа бүрдүүлэх ёстой. Гэхдээ нам дотроо нэгдсэн байр сууринд хүрч чадахгүй байсаар энэ асуудлыг өнөөдрийг хүрч байна. Ямартай ч Ерөнхий сайд өөрийн Засгийн газарт хэн хэнийг оруулж ажиллуулах шийдвэрээ гаргасан бололтой.

Одоо шинээр бүрэлдэх засгийн газар М.Энхболдын талаас

1. Монгол Улсын Шадар сайд Л.Энх-Амгалан

2. Байгаль орчин, аялал жуулчлалын сайд О.Содбилэг

3. БСШУС-ын сайд Ц.Цогзолмаа

4. Зам, тээвэр хөгжлийн сайд Ж.Бат-Эрдэнэ

5. Барилга хот байгуулалтын сайд Х.Баделхан

6. Батлан хамгаалахын сайд Н.Цэрэнбат

нарын нэр яригдаж байсан бөгөөд Л.Энх-Амгалан, О.Содбилэг нартай У.Хүрэлсүх хамтран ажиллахгүй гэх байр суурийг илэрхийлсэн байна.

Харин У.Хүрэлсүхийн талаас

1. Монгол Улсын сайд, ЗГХЭГ-ын дарга Г.Занданшатар

2. Гадаад харилцааны сайд Д.Цогтбаатар

3. Уул, уурхай хүнд үйлдвэрийн сайд Д.Сумъяабазар

4. Эрчим хүчний сайд Ц.Даваасүрэн

5. Сангийн сайд Ч.Хүрэлбаатар

6. Хууль зүй, дотоод хэргийн сайд Ш.Раднаасэд

7. Хүнс, хөдөө аж ахуй, хөнгөн үйлдвэрийн сайд Б.Батзориг

8. Хөдөлмөр, нийгмийн хамгааллын сайд С.Чинзориг

9. Эрүүл мэндийн сайд Д.Сарангэрэл

нарын нэрийг оруулж ирээд байгаа юм.

Тэгвэл одоо Ерөнхий сайд У.Хүрэлсүхийн Засгийн газарт орж ажиллах бүрэлдэхүүнд хэн хэн багтах тухай асуудлыг УИХ дахь МАН-ын бүлэг хуралдаанаараа хэлэлцэх гэж байна.