БЕЙОНСИ, ЖЭЙ ЗИ НАР "НАСАН ТУРШИЙН ТАСАЛБАР"-ТАЙ УРАЛДААН ЗАРЛАВ

Хэрвээ та нэг сарын турш цагаан хоолтон байж чадвал дэлхийн хөгжмийн ертөнцийн супер од Бейонси, Жэй Зи нарын тоглолтыг насан туршдаа үнэгүй үзэх эрхээр шагнуулах нь ээ. Алдарт Дестинис Чайлд хамтлагаас гаралтай дуучин Бейонси Инстаграмаараа дамжуулан 123 сая дагалдагчдаа дээрхи уралдааныг зарлажээ. Энэ уралдаан нь цэвэр ургамлын гаралтай хүнсээр хооллож, хүн төрөлхтөний байгаль орчинд үлдээж буй сөрөг ул мөрийг бууруулах зорилготой "Ногоон мөр" хэмээх төслийг дэмжих зорилготой аж. "Ногоон мөр" төслийн хүрээнд Бейонси өглөөний цайндаа ургамлын гаралтай хүнс хэрэглэж, даваа гараг бүр махнаас татгалзахаа амласан бол түүний нөхөр реппер Жэй Зи хоногт хоёр удаа ургамлын гаралтай хүнс хэрэглэхээ амласан байна. Сайн санааны гэж болох энэхүү төсөл Бейонсигийн хувийн дасгалжуулагч Марко Боржесийн санаа бөгөөд тэрээр өнгөрсөн оны арванхоёрдугаар сард ургамлын гаралтай хүнсээр дэглэм барих, түүнд тохиромжтой дасгал сургуулилт хийхийг зөвлөсөн "Ногоон мөр" нэртэй ном гаргажээ