Аргентинаас төрсөн бас нэгэн хөлбөмбөгийн од Эмилианао Сала өнгөрсөн сард Нантесаас Кардифф хотын хооронд зорчиж яваад онгоцтойгоо ор сураггүй болсон билээ. Аврах албаныхан удтал эрсний эцэст өнгөрсөн сарын 21-ний өдөр ор сураггүй болсон Пайпер Малибу хувийн онгоцны сэгийг энэ долоо хоногийн эхээр Гирнсийн тэнгисийн умард эргээс урагшаа 40-өөд км-ийн зайд 67 метрийн гүнээс олж, доторхи цогцсыг Портландад хүргүүлэн хэн болохыг нь таних үзлэг хийжээ. Задлан шинжээчдийн дүгнэлтээр хөлбөмбөгчин мөн болохыг тогтоосон ч түүний нисгэгч Дэвид Ибботсоны цогцос одоог хүртэл олдоогүй байна. Орон нутгийн хэвлэлүүдийн мэдээлснээр 28 насандаа зуурдаар таалал төгссөн Эмилиано Салатай салах ёс хийх ажиллагааг баасан гарагт хийхээр төлөвлөжээ
Сэтгэгдэл (0)
Сэтгэгдэл бичигдээгүй байна