ТАЙЛАНДАД ХУЛГАЙ ХИЙСЭН МОНГОЛЧУУД БАРИВЧЛАГДЖЭЭ

Тайландын нийслэл Бангкок хотын олон улсын нисэх буудал дээр халаасны хулгай хийж байсан Монгол Улсын гурван иргэнийг тус улсын цагдаагийн байгууллага Даваа гаригт /2019.03.18/ илрүүлэн баривчилжээ. Тэдгээр иргэн хоёр долоо хоногийн өмнө нисэх буудлаар үйлчлүүлж байсан жуулчдын халааснаас эд зүйлийг нь хулгайлж байгаа нь хяналтын камерт бичигдсэн байжээ. Тэд Даваа гаригт дахин хулгай хийх гэж байхдаа баригджээ.

Болдын Хишигбат /40 настай, эр/, Бүрэнжаргалын Төрмөнх /41 настай, эр/, Бат-Эрдэнийн Өлзийбаяр /35 настай, эм/ нар нь саатуулагдах үедээ их хэмжээний гадаадын мөнгөн дэвсгэрт буюу 200 мянган тайланд бат, 8600 ам.доллар, 3650 евро, 900 мянган иен, 1355 аргентин песо, 400 мянган вьетнам дон, 500 австрали долларыг биедээ авч явж байжээ