Улсын ерөнхий прокурорын орлогчоор А.Цэрэнсодномыг томилохоор болжээ. Тэрээр АН-ын угшилтай учир Монгол Улсын Ерөнхийлөгчөөс дэмжлэг авсан байх талтай. А.Цэрэнсодном нь Нийслэлийн прокурорын газрын Зөрчил шалган шийдвэрлэх хэлтсийн даргаар ажиллаж байгаад СБД-ийн прокурорын газрын ахлах прокурор болж тушаал буураад ажиллаж байсан юм
Монгол Улсын Үндсэн хуулийн Тавин зургадугаар зүйлийн 2, Монгол Улсын Ерөнхийлөгчийн тухай хуулийн 12 дугаар зүйлийн 17, Прокурорын тухай хуулийн 46 дугаар зүйлийн 46.1 дэх хэсгийг тус тус үндэслэн Александрийн Цэрэнсодномыг Монгол Улсын Ерөнхий прокурорын орлогчийн албан тушаалд томилох асуудлыг зөвшилцөхөөр Монгол Улсын Ерөнхийлөгч Х.Баттулга өнөөдөр "Зөвшилцөх тухай" албан бичгийг Монгол Улсын Их Хурлын дарга Г.Занданшатарт хүргүүллээ.
Александрын Цэрэнсодном нь Улаанбаатар хотод төрсөн, 46 настай, 1981-1991 онд 10 жилийн сургууль, 1993-1997 онд Цагдаагийн дээд сургуулийг эрх зүйч мэргэжлээр төгсөж, 2003-2005 онд "Их засаг" Их сургууль, 2012-2013 онд АНУ-ын "Оксфорд Трэнт" Их сургуульд хууль зүйн ухааны магистрын зэрэг хамгаалсан, хууль цаазын итгэмжит зөвлөх цолтой.
Александрын Цэрэнсодном нь:
Прокурорын тухай хуулийн 45 дугаар зүйлийн 45.4 дэх хэсэгт "Хуульчийн мэргэжлээр 10-аас доошгүй жил ажилласан, гучин таван насанд хүрсэн прокурорыг Улсын ерөнхий прокурор, түүний орлогчоор томилно." гэж заасан бөгөөд А.Цэрэнсодном нь улсад 25 жил, үүнээс прокурорын байгууллагад прокуророор 11 жил ажилласан байна.
Сэтгэгдэл (0)
Сэтгэгдэл бичигдээгүй байна