Хятадын зүүн өмнөд нутагт дахь бага сургууль дээр хутгаар зэвсэглэсэн этгээд халдлага үйлджээ.Уг хэрэг өнгөрсөн лхагва гаригт Хунань мужийн Ниньюань хошуунд гарсан байна. Гэмт этгээдийн гарт хоёр хүн амиа алдаж, мөн тооны хүн шархаджээ. Гэмтсэн иргэдийг эмнэлэгт хүргэсэн талаар орн нутгийн хэвлэлд онцолсон байна.халдлага үйлдсэн этгээд нь 31 настай Жэн гэгч агаад нутгийн иргэн аж. Цагдаа нар түүнийг саатуулж, мэдүүлэг авчээ.Гэмт этгээд яагаад ийм хэрэг үйлдсэн шалтгаан одоогоор тодорхой бус юм.Үүнтэй төстэй хэрэг өнгөрсөн нэгдүгээр сард гарч байжээ.Тодруулбал,Бээжин хотын бага сургууль дээр алхаар зэвсэглэсэн 49 настай этгээд 20 сурагчийг гэмтээж байв. Гэмт этгээд ажлаас нь халсны өшөө болгож дээрх хэргийг үйлдсэн хэмээн мэдүүлжээ
Сэтгэгдэл (0)
Сэтгэгдэл бичигдээгүй байна