2020/06/05
USD 2,773

ХҮҮХДИЙН ХУРУУГ ХААЛГАНД ТАСАЛСАН БАГШ МЭРГЭЖЛИЙН БУС, ЦЭЦЭРЛЭГИЙН ЭРХЛЭГЧИЙН ХАМААТАН БАЙЖЭЭ

О.Шүрэнцэцэг
2019/04/16

Баянхонгор аймгийн Баацагаан сумын цэцэрлэгийн 3 настай хүүхэд хаалганд гараа хавчуулж, чигчий хуруу нь тасарсан талаар бид мэдээлсэн. Хүүг сумын эмнэлэгт хүргэсний дараа тасарч үлдсэн хурууг араас нь авчирсан байдаг. Тэгвэл хүүг аймгийн нэгдсэн эмэнлэгт эмчлээд, өнөөдөр эмнэлгээс гаргасан байна.

Хүүг ангийн багш нь дагуулан угаалгын өрөөнд орж, буцаж гарахдаа хаалгыг нь хүчтэй хааж, хурууг нь тасалсан дүрс бичлэг цэцэрлэгийн камерт үлджээ. Тэгвэл тухайн багш нь мэргэжлийн бус хүн байсан бөгөөд цэцэрлэгийн эрхлэгч Д.Мөнхцэцэгийн хамаатан байсан талаар баттай эх сурвалжийн мэдээлэл байна. Энэ мэт тус цэцэрлэгт мэргэжлийн бус олон хүн цэцэрлэгийн багш болон туслах багшаар ажиллаж байгааг Баацагаан сумын ЗДТГ-ын баттай эх сурвалж мэдээллээ.

Тодруулбал, цэцэрлэгийн эрхлэгч Д.Мөнхцэцэг нь өөрийн нөхөр н.Баярааг тус цэцэрлэгийн жижүүрээр, төрсөн дүү Д.Дэмбэрэлийг мөн жижүүрээр, түүний эхнэр, охиныг багшаар ажиллуулдаг байна. Тус цэцэрлэгт хүүхэд хохирсон асуудал гарсан байтал цэцэрлэгийн эрхлэгч Д.мөнхцэцэг аймгийн төв яваад эргэн ирэхгүй өнөөдрийг хүрсэн байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна