2020/06/05
USD 2,773

ТЭД ЮУ ЯРИВ

О.Шүрэнцэцэг
2019/04/17

Японы мэргэжлийн сумо бөхийн 41 дэх удаагийн аварга М.Даваажаргал Монгол Улсын иргэншлээс татгалзах хүсэлтээ Ерөнхийлөгчид өнгөрсөн долоо хоногт хүргүүлсэн талаар манай сайт хамгийн анх мэдээлсэн. Тэрбээр 34 настай бөгөөд Япон Улсын иргэнтэй гэр бүл болсон билээ. Японы эзэн хааны цомыг 41 дэх удаагаа хүртэж, дээд зиндаанд 1000 дахь ялалтаа байгуулсан түүнийг Япон улсын талаас өөрийн иргэнээ болгохоор удаа дараа шахалт үзүүлэх болсон гэх эх сурвалжийн мэдээлэл бий.

Тэгвэл өөр эх сурвалжийн мэдээллээр аварга М.Даваажаргал 2020 оны Токиогийн олимпийг нээхийн тулд ийм шийдвэр гаргасан гэх бөгөөд их аварга Японы иргэн болсоноор өөрийн нэрээр дэвжээ байгуулж, Сүмогийн холбоонд ажиллах эрх нь нээгдэх юм. Ингэснээр олон Монгол бөхчүүдэд боломж нь нээгдэнэ хэмээн хэвлэлүүд бичиж байна.

Тэгвэл аварга М.Даваажаргалын аав үндэсний бөхийн дархан аварга Ж.Мөнхбат сэрүүн тунгалагтаа "Монгол тулгатны зуун эрхэм" нэвтрүүлэгт оролцохдоо "Япон эмэгтэйтэй гэр бүл болоход" нь таагүй хандаж байснаа илэрхийлсэн байдаг.


Манай сэтгүүлч аварга М.Даваажаргалын ээж Ө.Тамиртай утсаар холбогдон тодруулсан юм. Тэрбээр "Хүүгийн маань иргэншлээ солих эсэхийг төр засаг шийдэх биз ээ" хэмээн ярьсан юм.

Тэгвэл Японы www.sponichi.co.jp сайтад "Дөрөвдүгээр сарын 17-ний өдөр Сумогийн их аварга Ёокозуна Хакухо(34)Монгол улсын иргэншлээс татгалзах хүсэлтээ улсынхаа Засгийн газарт гаргасан гэсэн мэдээллийн дагуу, Токио хотын Оота дүүрэгт хэвлэл мэдээллийнхэнд хариулт өгөв. Тэрбээр "Хариу хүлээх л үлдсэн" гэсэн ба мэдээллээ тодруулахыг хүсэхэд "Нарийвчлан ярихад эрт байна" гэснээс өөрийг хэлсэнгүй" гэх мэдээлэл нийтлэгджээ.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.27.185 |   2019/04/18
аав аврага нь баигаагүи нь яамаидаа
Хариулах
202.179.27.185 |   2019/04/18
заилцгаагээ буруу сэтгэлтэи новшнуудад эх орноос үнэтэи юм баидаг л юм баина , эд эцэг эхээ ч сольж магадгүи их мөнгөнии хоиноос
Хариулах
103.10.23.164 |   2019/04/17
нэгэнт эх орноо гэх сэтгэлгүй хувийн амвицандаа хөтлөгдөж байгаа бол буцах эрхгүйгээр япон руу нь үтэр түргэн зайлуул
Хариулах