Төрийн өмчит "Монголросцветмет" компанийн захирал Б.Мөнхбатыг Авлигатай тэмцэх газар шалгаж байна. Уг шалгалтын ажилтай холбогдуулан мэдүүлэг өгөхөөр Бор-Өндөр дэх уулын баяжуулах үйлдвэрийн захирал Улаанбаатарт ирээд байгаа аж.
Б.Мөнхбат нь Бор-Өндөр дэх уулын баяжуулах үйлдвэрийн захирлаар ажиллаж байхдаа төрийн мөнгө шамшигдуулсан хэргээр ажлаасаа чөлөөлөгдөж байсан нэгэн. Ажлаасаа халагдахдаа компанийн тамга тэмдэг, мөн захирлын өрөөнд байсан 2 хаалгатай том хөргөгчийг хулгайлан зугтаж байсан талаар ажилтнууд нь ярьдаг. Ийм түүхтэй хүн толгой компаний болох төрийн өмчит "Монголросцветмет" компанийн захирлаар эргэн ирсэн нь сонин. Эргэн тойрныхон нь түүний ард нөлөө бүхий улстөрчид байдаг хэмээн ярьдаг. Энэ талаар ч хэвлэлүүдэд бичигдэж байсан нь цөөнгүй.
Б.Мөнхбат захирлын сарын үндсэн цалин нь 1.5 сая төгрөг. Гэтэл түүний үндсэн цалин дээрээ авдаг шагналт цалин нь сар бүр 8000 ам доллар хүртдэг гэдэг мэдээлэл бий. Энэ нь ойролцоогоор 23 сая 500 000 төгрөг гэдгийг эх сурвалжууд мэдээлж байна. Энэ их цалин мөнгөнийхөө дээр байр орон сууцны хангамж хэмээн байр түрээслэх зардал зэргийг компаниасаа гаргуулдаг гэх мэдээлэл байна.
Бараан түүхтэй ч, толгой компанийн тамга атгасан Б.Мөнхбат захирлыг АТГ шалгаж байна. Түүний талаарх олон таагүй мэдээлэл бий. Энэ талаар бид цувралаар нийтэлнэ
Сэтгэгдэл (0)
Сэтгэгдэл бичигдээгүй байна