ЭНХҮҮЛЭЭ, МӨНХҮҮЛЭЭ НАРТ ТОГЛООМ ИРЛЭЭ

“Энхүүлээг орон гэртэй болгох” хандивын аянд маш олон албан байгууллага, хувь хүмүүс нэгдэн, халуун гараа сунгасаар байна. Энхүүлээгийн ах Мөнхүүлээ ярилцлагадаа “Эвлүүлдэг тоглоом, тоботоор тоглох дуртай. Гэхдээ шинэ тоглоом авъя гэхээр аав уурлаж, загнадаг” хэмээн ярьсан. Тэр ч ярианы улмаас хөвгүүдэд “тоглоом өгье” гэж ээжүүд холбогдсон. Өнөө өглөө Б.Дэнсмаа гэх сайхан сэтгэлт бүсгүй хөвгүүдэд тобот тоглоом, самбарын хамт бэлэглэхээр манай редакцид ирсэн юм. Сайхан сэтгэлт танд хөвгүүдийн өмнөөс болон хамт олныхоо өмнөөс талрхал илэрхийлье. Сайн үйлс бүхэн дэлгэрч, хүүхэд бүр аз жаргалтай байх болтугай