ЭНХҮҮЛЭЭ, МӨНХҮҮЛЭЭ ХҮҮД ХАЛУУН СЭТГЭЛТ ЗОН ОЛОН 71 САЯ ТӨГРӨГИЙН ХАНДИВ ӨРГӨЛӨӨ

 Хойд эцэгтээ эрэмдэг болтлоо зодуулсан дөрвөн настай Энхүүлээ хүүгийн биеийн байдал сайн биш байгаа. Түүнийг эмнэлгээс гарахад эрүүл ахуйн шаардлага хангасан орон байр хангалттай биш. Тиймээс zarig.mn сайтын редакциас албан ёсоор Энхүүлээ, Мөнхүүлээг орон байртай болгох хандивын аянг эхлүүлээд гурав хонож байна. Энэ хугацаанд Энхүүлээ хүүгийн ээж, эмээгийн дансанд нийтдээ 71 сая төгрөгийн хандив цуглалаа. Хамгийн сүүлд "Алтан дорнод монгол" ХХК-ийн ТУЗ-ийн дарга Тордайн Ганболд таван сая төгрөгийн хандив өргөлөө. Нялх үрсийг орон гэртэй болгох аянд нэгдсэн эрхэм хүмүүс та бүхэнд ЗАРИГ.МН сайтын хамт олны өмнөөс, Энхүүлээ, Мөнхүүлээ хүүгийн ар гэрээс маш их талархаж буйгаа илэрхийлье.