УВС АЙМАГТ ТАРВАГАН ТАХЛЫН СЭЖИГТЭЙ ТОХИОЛДОЛ ИЛЭРЛЭЭ

Өнгөрсөн долоо хоногт Баян-Өлгий аймагт тарваган тахал өвчин гарч гэр бүлийн хоёр иргэн амиа алдсан харамсалтай хэрэг гарсан билээ.Тарваган тахал өвчний улмаас тус аймагт хөл хорио тогтоосон байгаа.Тэгвэл Увс аймагт тарваган тахал өвчний сэжигтэй тохиолдол илэрч хөл хорио тогтоожээ.Тодруулбал, тус аймгийн Түргэн сумын Суугийн аманд хаваржиж байсан малчнаас тарваган тахлын сэжигтэй тохиолдол илэрч аймгийн нэгдсэн эмнэлэгт эмчилгээ, шинжилгээ хийлгэж хөл хорио тогтоож, онцгой комисс хуралджээ. Урьдчилсан мэдээллээр тус иргэн үхсэн тарвага өвчсөн байна.Үүнтэй холбогдуулан аймгийн Засаг даргын захирамж гарч, өнөөдрөөс эхэлж Улаангомын сургууль, цэцэрлэг хүнсний барааны зах хөл хорио тогтоож ажиллахгүй болохыг мэдэгджээ.Мөн нийтийг хамарсан тэмцээн уралдаан зохион байгуулахыг хориглосон байна