Төв аймгийн Заамар суманд үйл ажиллагаа явуулдаг "Эко Алтан Заамар" компанийн уурхайн хөрс цөмөрч дөрвөн хүн амиа алдсан. Дөрвийн дөрвөн ар гэрийг амьдын хагацалд унагасан компани "топ-100" компанийн нэгээр шалгарч 86-д эрэмблэгджээ. Засгийн Газар, МҮХАҮТ хамтран 2018 оны топ-100 аж ахуйн нэгжүүдийг шалгаруулсан байна. Топ-100 аж ахуйг төсөвт төлсөн татвар, борлуулалтын орлого, нийгмийн даатгал, ашиг, хөрөнгө гэсэн таван шалгуураар эрэмбэлдэг. "Эко-Алтан заамар" ХХК дээрх үзүүлэлтээр тэргүүлэх чадал байвч дөрвөн ар гэрийн амьдралыг шар махтай нь хатаасан нь Засгийн Газар, МҮХАҮТ-д хамаарал байсангүй.
Дэлхийд алдартай сүлжээ рестораны соёлыг түгээгч гэсэн уриатай KFC түргэн хоолны рестораныг Монголд нэвтрүүлсэн "Таван богд фүүдс” ХХК Топ-100 аж ахуйн байгууллагын 99-т эрэмблэгджээ. Өнгөрөгч хоёрдугаар сард " Таван богд фүүдс” ХХК-ийн KFC-ийн зайсан салбарт 37 хүн хордлого авч ХӨСҮТ-д хэвтэн эмчлүүлсэн. Тодруулбал тухайн салбарын цусан суулгатай хоёр ажилтан иргэдэд үйлчилж байсныг НМХГ-аас мэдээллэж байв. Зайсан дахь KFC-ийн салбарт хоол идсэн иргэдээс гэдэсний халдварт шигель илэрсэн. Ес зүйн үзүүлэлтийг хангаагүй дээрх хоёр компани топ-100 аж ахуй нэгжээр шалгарсан олон нийтийн эгдүүцлийг төрүүлээд байна. Иргэдийг хохироож халдварт өвчнөөр өвчлүүлж, дөрвөн хүний ар гэрийг амьдын хагацалд унагачихаад топ-100 компаниудаар шалгаруулчихлаа гэж үү?
Сэтгэгдэл (0)
Сэтгэгдэл бичигдээгүй байна