Сэлэнгэ аймагт газар тариалангийн үйлдвэрлэл эрхэлдэг үр тарианы 280 аж ахуйн нэгж, 150 иргэн, 305,5 мянган га эргэлтийн талбай эзэмшиж үйлдвэрлэл явуулж байна. 2019 онд Сэлэнгэ аймаг үр тариа 145843 га, улаанбуудай 139559 га, тэжээл 11911 га, тосны ургамал 7443 га, төмс 2986 га, хүнсний ногоо 2837 га талбайд тариалахаар төлөвлөсөнөөс 2019 оны 5 дугаар сарын 21-ны байдлаар үр тариа 50946 га, үүнээс улаанбуудай 48631 га, арвай 641 га, овьёос 1674 га, тэжээлийн ургамал 2274 га, тосны ургамал 3086 га, төмс 726 га, хүнсний ногоо 625 га талбайд тариалаад байна. Энэ хаврын тариалалтанд ажиллах дугуйт трактор 765, анжис 143, үр тарианы механик үрлүүр 654, үр тарианы хийн үрлүүр 39, төмс, хүнсний ногооны үрлүүр 85, сийрүүлэгч 341, хор цацах машин 173, бордоо бууц цацагч 21 техникүүд ажиллаж байгаа нь нийт техникийн 88.9 хувийг эзлэж байна. Хаврын тариалалт үр тариа 35.0%, улаанбуудай 34,8% тосны ургамал 41.4% тэжээлийн ургамал 19.1%, төмс 24,3%, хүнсний ногоо 22.0 хувьтай явагдаж байна.
Сэтгэгдэл (0)
Сэтгэгдэл бичигдээгүй байна