Засгийн газрын хуралдаанаар Тагнуулын Ерөнхий газрын дарга Д.Гэрэлийг чөлөөлөх тухай яригдсан гэх мэдээлэл гарсан билээ.Тэгвэл энэ мэдээллийг албаныхан үгүйсгэж байна. Тодруулбал, ҮАБЗ-ын Нарийн бичгийн дарга А.Гансүх “Тагнуулын ерөнхий газрын даргыг солих ямар ч шалтгаан байхгүй. Тэгэхээр өчигдөр буруу ташаа мэдээлэл явсан байна. Д.Гэрэл дарга сайн ажиллаж байгааг олон нийт харж байгаа байх. Үндэсний аюулгүй байдлыг хамгаалах чиг үүрэгтэй байгууллага бол тагнуулын байгуулага.Өнгөрсөн жил гадаадын тагнуулыг илрүүлж баривчилсан. Иргэдийг хууль бусаар эрүүдэн шүүсэн гэх асуудлыг тагнуулын байгууллага илрүүлсэн байдаг. Ажлын чухал үзүүлэлтүүд бий” хэмээн өчигдөр гарсан мэдээллийг няцааж, тагнуулын байгууллагын дарга хэвийн ажиллаж байгаа гэсэн байр суурийг илэрхийллээ.
Сэтгэгдэл (0)
Сэтгэгдэл бичигдээгүй байна