ШШГЕГ-ын харьяа 401 дүгээр хорих ангийн нэгдсэн эмнэлэг рүү УИХ-ын гишүүн Ж.Батзандан тэргүүтэй Түр хорооны гишүүд ороод байна. Тэд тус хорих ангийн эмнэлгийн үйл ажиллагаатай танилцахын хажуугаар С.Зоригийг хөнөөсөн хэргээр гурван шатны шүүхээс ял шийтгүүлсэн Б.Содномдаржаа, Т.Чимгээ нартай уулзах юм. УИХ-аас С.Зоригийн амь насыг хөнөөсөн хэргийг шийдвэрлэсэн асуудлаар олон улсын парламентын холбооны удирдах зөвлөлөөс ирүүлсэн шийдвэрийг судалж,дүгнэлтийг боловсруулах үүрэг бүхий Түр хороог байгуулсан. Хорооны даргаар УИХ-ын гишүүн Ж.Батзандан, гишүүнээр Л.Болд, Ц.Нямдорж, А.Сүхбат, Ө.Энхтүвшин, Я.Санжмятав, Х.Нямбаатар нар ажилладаг. Тэгвэл өнөөдөр түр хорооны гишүүд Б.Содномдаржаа, Т.Чимгээ нартай уулзахаар ШШГЕГ-ын харьяа 401 дүгээр хорих ангийн нэгдсэн эмнэлэг рүү ирсэн байна.
Сэтгэгдэл (0)
Сэтгэгдэл бичигдээгүй байна