Хатан хаан, гүнж гэхээр хамгийн түрүүн үлгэр, домог дээр гардаг үзэсгэлэнтэй бүсгүй хүн төсөөлөгддөг ч бодит амьдрал дээр гүнж ямаршуу царай, төрхтэй байдгийг харж байсан нь цөөн. Их Британийн Уильям хунтайжин гэргий Кэтрин Мидлтон гүнж л ТВ, интернэт, сонин хэвлэлээр байнга гарч байдаг тул түүнээс өөр гүнж дэлхий дээр байхгүй мэт санагдажа магадгүй. Гэтэл хааны угсааных биш байсан бол фото модель, загвар өмсөгч, миссийн тэмцээний ялагч болох байсан үзэсгэлэнтэй гүнж, хатан хаад олон бий.
Монакогийн гүнж Беатрис Борромео
Түүнийг гүнж гэдгийг нь мэддэггүй гадаадынхан “Танай ван хаанахын мисс дагуулаад яваад байна” гэж гайхдаг гэсэн. Хаан угсааных биш байсан бол алдартай сэтгүүлүүдийн нүүрийг чимээд явж чадах бүсгүй.
Испанийн хатан хаан Летиция
Хамгийн үзэсгэлэнтэй хатан хаадыг тооч гэвэл Испанийн хатан хаан Летиция гарцаагүй ордог. Тун мэдрэмжтэйн дээр эгэл хувцасладаг гэдгээрээ алдартай.
Дани ба Грекийн гүнж Татьяна
Венесуэлд төрсөн Татьяна нь Германы Хессений ван II Уильямын угсааны хүн. Дизайны компанид ажиллаж байхдаа Грекийн хунтайж Николаостой танилцан гэрлэсэн байдаг.
Шведийн Гүнж Мадлен
Мадлен гүнж нь морин спортод тун ч дуртай нэгэн бөгөөд өөрийн нэр бүхий сан бий олгож түүнээсээ морин спортод амжилт үзүүлэх ирээдүйтэй тамирчидад тэтгэлэг олгодог төдийгүй хүүхдийн эрхийг хамгаалах талаар буяны үйл ажиллагаа явуулдаг.
Саудын Аравийн гүнж Амира ат-Тавиль
Амира гүнж нь нүүр царай, бие хааг бүхэлд нь тагалсан уламжлалт хувцас өмсөхөөс татгалзсан Саудын Аравийн анхны эмэгтэй болж бусад эмэгтэйчүүдэд үлгэр жишээ болсон. Гэхдээ шашны хатуу дэг жаягаас татгалзлаа гээд задарчихаагүй харин ч дорнын бүсгүйчүүдийн эгэл, даруу байдлаар хувцаслаж чаддаг гэж магтуулдаг.
Бутаны хатан хаан Жэцун Пэма
Жэцун Пэма –г дэлхийн хамгийн залуу хатан хаан гэдэг. Тэрээр 1990 он төрсөн 2011 онд Бутаны хаантай гэрлэсэн. Залуухан хатан хаан нь НҮБ-ын Байгаль орчныг хамгаалах хөтөлбөрийн озоны давхаргыг хамгаалах төслийн элч.
Иорданийн хатан хаан Рания
Рания хатан хаан гоо сайхны хосгүй мэдрэмжтэй гэдгээрэээ алдартай.
Сэтгэгдэл (0)
Сэтгэгдэл бичигдээгүй байна