Герман нь Йемений эсрэг явуулж байгаа байлдааны ажиллагаанд оролцож буй орнуудад зэвсэг, байлдааны техник нийлүүлэхгүй байх хуулиа зөрчин их хэмжээний зэвсэг нийлүүлсээр байгаа тухай “DPA” агентлаг мэдээлэв.Зөвхөн он гарсаар ХБНГУ нь Египет ба Арабын эмиратад зэвсэг, байлдааны техник худалдах 56 гэрээг зөвшөөрчээ. Үүнээс Египет нь 801,8 сая еврогийн, Арабын Нэгдсэн Эмират нь 206,1 сая еврогийн байлдааны зориулалттай бараа, бүтээгдэхүүн авсан байна. Саудын Арави нь 831 мянган еврогоор туулах чадвар өндөртэй хуягласан машин авах гэж байна.Уг нь, 2018 оны эхээр Германы социал-демократ нам нь Йеменд байлдааны ажиллагаа явуулж байгаа Аравийн эвслийн орнуудад байлдааны техник, зэвсэг нийлүүлэхийг хориглох хууль санаачлахад Христийн ардчилсан ба Христийн социалист холбоо нь тус хуулийг дайнд шууд оролцсон улсад нийлүүлэхгүй болгож өөрчлөөд баталсан. Гэтэл Аравийн эсвэлийн онгоцнууд хэдхэн өдрийн өмнө Йемений босогчдын байрлалд агаараас цохилт өгсөн.
Сэтгэгдэл (0)
Сэтгэгдэл бичигдээгүй байна